

ދިވެހިރާއްޖޭގެ އަދުލުގެ ނިޒާމު މިހާރު އޮތީ ޤަތުލުކޮށްފައި ކަމަށް ކުރީގެ ނައިބު ރައީސް ޑރ މުހައްމަދު ޖަމީލު އަހުމަދު ވިދާޅުވެއްޖެއެވެ.
ސަރުކާރުން ޖުޑިޝިއަރީއަށް ނުފޫޒު ފޯރުވަމުންދާ ދިއުމަށް ނަޒަރު ހިންގަވާލައްވަމުން، ބުރާސްފަތި ދުވަހުގެރޭ ބޭއްވި ޕީއެންއެފް ޖަލްސާގައި ވާހަކަ ދައްކަވަމުން ޑރ ޖަމީލު ވިދާޅުވީ، ދުސްތޫރީ މައްސަލައެއް ވައްދާފައި ވަނިކޮށް ޖޭއެސްސީ މެދުކޮށް ސަރުކާރުން ފަނޑިޔާރުގެތަކާ ކުޅެ މުޅި ނިޒާމު ގަނޑުބަނޑުކޮށްފި ކަމަށެވެ. އަދި މިހާރު އަދުލުގެ ނިޒާމުގެ އިތުބާރު ރައްޔިތުންނަށް ގެއްލިފައިވާ ކަމަށްވެސް ޑރ ޖަމީލު ވިދާޅުވިއެވެ.
މިގެ އިތުރުން މިއަދު އަދުލުގެ ނިޒާމަށް ފޯރުވަމުން ގެންދާ ނުފުޒާ އެކު މުޅި ނިޒާމު ގަތުލުކޮށް ސަރުކާރުން ކަތިލައިފި ކަމަށްވެސް ޑރ ޖަމީލު ވިދާޅުވިއެވެ.
ޖަލްސާގައި އިތުރަށް ވާހަކަ ދައްކަވަމުން ޑރ ޖަމީލު ވިދާޅުވީ، މިހާރުގެ ސަރުކާރުން ފަނޑިޔާރުންނާ ބެހުނުވަރަށް ޣައިރު ޒިންމާދާރުކޮށް ބެހުނު ބަޔަކު ނެތް ކަމަށެވެ.