ރައީސް އަބްދުﷲ ޔާމީން ކުރެއްވި ފަދަ ސާދާ ވެރިކަމެއް ކުރައްވަން ރައީސް ޑރ މުހައްމަދު މުއިއްޒުއާ ހަވާލުކުރުމުން ފެނިގެން ދަނީ ދިމާ އިދިކޮޅަށް ވެރިކަން ކުރައްވާ މަންޒަރު ކަމަށް ޕީއެންއެފްގެ އިސް ސަފުގައި މަސައްކަތްކުރައްވާ މުހައްމަދު އަހުމަދު ވަހީދު (ވައްޑެ) ވިދާޅުވެއްޖެއެވެ.

ވައްޑެ މިފަދައިން ހާމަކުރެއްވި އެކްސްގައި ކުރެއްވި ޕޯސްޓެއްގައެވެ.

ވައްޑެ ވިދާޅުވީ، ރައްޔިތުން މުއިއްޒަށް ވޯޓު ދިނީ 2013 އިން 2018އަށް ރައީސް ޔާމީން ކުރެއްވެވި ފަދަ ވެރިކަމެއްކުރަން ނަމަވެސް ރައީސް މުއިއްޒު ވަޑައިގަތީ ދިމާ އިދިކޮޅަށް ކަމަށާ ރައީސް ޔާމީންއަށް ވެސް ރައީސް މުއިއްޒުވަނީ ޚިޔާނާތްތެރިވެފައި ކަމަށެވެ. ރައީސް މުއިއްޒު ހަދަނީ ހަދަނީ ހުސް ދޮގު ކަމަށާ ބައިތުލްމާލުން ކުރަނީ ހުސް ވައްކަން ކަމަށް ވެސް ވައްޑެ ވަނީ ވިދާޅުވެފައެވެ.

އެހެންކަމުން ސަރުކާރުގެ ތެރޭގައި ތިބި ބޮޓުން ކަމަށްވާ ޝިއުނާމެން ފަދަ މީހުން ގަދަބަސް ބުނި ނަމަވެސް މަތިން ގަޑި ޖެހުމުން 5 އަހަރު ނުވިޔަސް ހަމަ ވެރިކަމުން ފައިބައިގެން ރައީސް މުއިއްޒު ދާންވެސް ޖެހިދާނެ ކަމަށް ވައްޑެ ވިދާޅުވިއެވެ.

ވައްޑެގެ ޕޯސްޓު ނިންމާލަމުން ފާހަގަކޮށްފައިވާ ގޮތުގައި ރައީސް މުއިއްޒަށް މިހާރު ވޯޓެއްނެގިޔަސް %5 ވޯޓު ވެސް ލިބޭނެ ގެން ހީ ނުވާ ކަމަށެވެ.