

ބަލާލި ކޮންމެ ދިމާލަކުން ފެންނަނީ ރައީސް ޑރ މުހައްމަދު މުއިއްޒު ފެއިލްވާ މަންޒަރުކަމަށް ކުރީގެ ނައިބު ރައީސް ޑރ މުހައްމަދު ޖަމީލް އަހްމަދު ވިދާޅުވެއްޖެއެވެ.
ޑރ ޖަމިލް މިފަދައިން ވިދާލުވެފައިވަނީ އެކްސްގައި ކުރެއްވި ޕޯސްޓެއްގައެވެ.
އެގޮތުން ރައީސް މުއިއްޒު ޓެކްސްތައް ބޮޑު ކުރުމަށް ފަހު އިތުރަށް ފައިސާ ނަގަމުން ދާކަން ޑރ ޖަމީލް ފާހަގަ ކުރެއްވިއެވެ.
ބަލާލި ކޮންމެ ދިމާއަކުން ފެންނަނީ @MMuizzu ފެއިލްވާތަން!
— Mohamed Jameel Ahmed (@MJameelAhmed) March 23, 2025
ޓެކްސް ބޮޑުކޮށް އިތުރަށް ފައިސާ ނަގަމުންދަނީ!
އަސާސީ ބޭސްތައް ދިހަ ބާރަ ފިހާރަޔަށް ދާއިރުވެސް ނުލިބޭ. މިފެންނަނީ ލޭއަޅާ ފަރާތްތަކުގެ ޙާލަތު.
އެކަމަކު މިސައިލާ ޑްރޯން ގަނެވޭ!
ބަޔަކު އަޖައިބު ނުވާނެތޯ؟ފެއިލްވެ ނިމިއްޖެ. https://t.co/czdFAkQ065
އެގޮތުން އަސާސީ ބޭސްތައް ދިހަ ބާރަ ފިހާރަޔަށް ދާއިރުވެސް ނުލިބޭކަމަށް ވިދާޅުވެ ޑރ ޖަމީލްވަނީ ކަންބޮޑުވުން ފާޅު ކުރައްވާފައެވެ.
ނަމަވެސް ދައުލަތުގައި މިސައިލާއި ޑްރޯން ގަތުމަށް ފައިސާ ހުރިކަމަށް ވިދާޅުވެ އެމަނިކުފާނުވަނީ ވަރަށް ބޮޑަށް ނުރުހުން ފާޅު ކުރައްވާފައެވެ.
އެގޮތުން ރައީސް މުއިއްޒު ފެއިލްވެ ނިމިއްޖެކަމަށް ޑރ ޖަމީލް ފާހަގަ ކުރެއްވިއެވެ.
ޑރ ޖަމީލް މިފަދައިން ވިދާޅުވެފައިވާއިރު ވިޓަމިން ޑީ ބޭސް ޖަސްޑީ އާއި މައިގްރޭންތަކަށް ބޭނުން ކުރާ ސުމަޓްރިޕްޓާންގެ އިތުރުން ގިނަ ބޭސްތައް ރާއްޖެއިން މިވަގުތު ހޯދަން ވަރަށް އުނދަގުލެވެ.