ރައީސް އަބްދުﷲ ޔާމީން އަލަށް އުފައްދަވާ ޕާޓީ، ޕީޕަލްސް ނޭނަޝަނަލް ފްރޮންޓް، ޕީއެންއެފް އަކީ ސަރުކާރާ ދެކޮޅަށް ނިކުންނާނެ ބައެއް ނޫން ކަމަށް ރައްޔިތުންގެ މަޖިލީހުގެ އިންތިހާބުގައި ހެންވޭރު ހުޅަނގު ދާއިރާއަށް ރައީސް ޔާމީންގެ ތާއީދާ އެކު ވާދަކުރައްވާ ނާއިފް ޝައުކަތް ވިދާޅުވެއްޖެއެވެ.

ނާއިފު ވިދާޅުވީ ޕީއެންއެފް އަކީ ސަރުކާރާ ދެކޮޅަށް ސަރުކާރާ ތަޅާފޮޅަން ނިކުންނާނެ ބައެއް ނޫން ކަމަށާއި ޕީއެންއެފް އަކީ މި ގައުމުގެ ރައްޔިތުންނަށްޓަކައި މި ގައުމަށްޓަކައި ނިކުމެ ސަރުކާރުން ގޯސް އަމަލެއް ކުރާނަމަ އޭގައި އަޑު ހަރުކޮށް ބަސް ބުނާނެ ރައްޔިތުންކަމަށެވެ.

ނާއިފް ވިދާޅުވީ ދިވެހިންނަށް ލިބިފައި އޮތް އެންމެ ބޮޑު ނަސީބަކީ ބިނާކުރުވަނިވި ފިކުރު ހަލާކުވިޔަ ނުދީ ހިފެހެއްޓުން ކަމަށެވެ.

ޑރ މުއިއްޒު ފުއްދުމަށް ވެ ވަޑައިގެންނެވި ވައުދުތައް ފުއްދަވާ ނުދެއްވާތީ އެކަމާ ކަންބޮޑުވުން ފާޅުކޮށް ނާއިފް ވަނީ ރައީސް ޑރ މުއިއްޒުއާ ސުވާލުތަކެއް އަމާޒު ކުރައްވާފައެވެ.

އެގޮތުން ކެމްޕޭނު ދުވަސްތަކުގައި ޑރ މުއިއްޒު ވަނީ އެބޭފުޅާއަށް ބޭ އިންސާފަށް އަމަލު ނުކުރައްވާނެ ކަމަށް ވިދާލުވެފައެވެ. އެހެންނަމަވެސް ރައީސް ޔާމީން އާ މެދު އަމަލުތައް އެ ބަހައްޓަވަނީ ވަރަށް ބޭ އިންސާފުވެރިކޮށް ކަމަށް ނާއިފު ވަނީ ވިދާޅުވެ ކަންބޮޑުވުން ފާޅުކޮށްފައެވެ.