ރައީސް ޑރ މުހައްމަދު މުއިއްޒުގެ މައްޗަށް މިނިވަން ޕީޖީއެއް ހުރެގެން ދައުވާ އުފުލޭނެކަން ކުރީގެ ނައިބު ރައީސް ޑރ މުހައްމަދު ޖަމީލް އަހްމަދު ވިދާޅުވެއްޖެ އެވެ.
ޑރ ޖަމީލް މިފަދައިން ވިދާޅުވެފައިވަނީ އެކްސްގައި ކުރެއްވި ޕޯސްޓެއްގަ އެވެ. ޑރ ޖަމީލް މިފަަދައިން ވިދާޅުފައިވަނީ ރައީސް ޑރ މުއިއްޒު އަދަދު ނޫހުގެ ސީއީއޯ ހުސައިން ފިޔާޒަށް ފޯނުން ގުޅުއްވާ ބިރު ދައްކާ އިންޒާރުދިނުމާއި ގުޅިގެންކަން ފާހަގަކޮށްލެވެއެވެ.
އެގޮތުން ރައީސް މުއިއްޒުގެ ބާރު އޮތް މަޖިލީހަކަށް ޖަވާބުދާރީވާން ޖެހޭ ޕީޖީއަކަށް މިހާރުގެ ޕީޖީފަދަ ގޮނޑި ކޮއްކޮއެއް ހުރުމުން ދައުވާ ނުކުރާނެކަން އިނގޭކަމަށް ޑރ ޖަމީލް ވިދާޅުވި އެވެ.
އަދި ސުޕްރީމް ކޯޓުގެ ފަނޑިޔާރުންނަށް ދައްކާ ބިރާއި ނުފޫޒާއި ގުޅިގެންވެސް ހާމަވާކަމަށް ޑރ ޖަމީލް ފާހަގަ ކުރެއްވި އެވެ.
އެހެންކަމުން މިއަދު މައްސަލައަކީ ޕީޖީ އައްބާސް ޝަަރީފުވެސް މާފުދިގެން ނެތް މިންވަރުން މާ ކެރޭ މީހެއް ކަމަށްދެއްކެން އުޅޭތީކަމަށް ޑރ ޖަމީލް ވިދާޅުވި އެވެ.
އެގޮތުން ވަޒީފާގެ އަޅުންނަށްވީމަ މިނިވަން ޕްރޮސިކިއުޝަނެއް ނުހިންގޭނެކަމަށް އެމަނިކުފާނު ވިދާޅުވިއެވެ. އަދި ރައީސް މުއިއްޒުގެ މައްޗަށް މިކަމުގައި މިނިވަން ޕީޖީއެއް ހުރެގެން ދައުވާ އުފުލޭނެކަމާއި ވަގުތު ޖެހުމުން އެ ނަތީޖާ ތަފާތުވާނެކަމަށް ޑރ ޖަމީލް ފާހަގަ ކުރެއްވި އެވެ.
