ޔަމަނާއި ދެކޮޅަށް ބީ-2 ސްޓްރެޓެޖިކް ސްޓެލްތު ބޮން ގޮއްވާ ބޯޓުތައް ހިމެނޭ ގޮތަށް އެމެރިކާއިން ބޮޑު އަސްކަރީ އޮޕަރޭޝަނެއް ހިނގުމަށް ރާވާފައިވާކަން ރިޕޯޓު ކުރަން ފަށައިފިއެވެ.

އެމެރިކާގެ ވައިގެ ސިފައިން (ޔޫއެސްއޭއެފް) އިން މިސޫރީގެ ވައިޓްމަން އެއާފޯސް ބޭސް އިން އިނގިރޭސިވިލާތުގެ ޑިއޭގޯ ގާސިއާ އަށް މަދުވެގެން ހަތް ބީ-2 ސްޓްރެޓެޖިކް ބޮމްބަރު ފޮނުވާފައިވާ ކަމަށް ބެލެވެ އެވެ.

އެމެރިކާގެ އަސްކަރީ މަރުކަޒެއް ހުންނަ މިތަނަކީ މީގެ ކުރިން މެދުއިރުމަތީގެ ސަރަހައްދަށް ވައިގެ ހަމަލާތައް ދިނުމަށް ބޭނުންކޮށްފައިވާ ތަނެކެވެ. އަސްކަރީ މަތިންދާބޯޓުތަކުގެ ހަރަކާތްތައް ޓްރެކްކުރާ މަލްޓިޕަލް އޮޕަން ސޯސް އިންޓެލިޖެންސް (އޯއެސްއައިއެންޓީ) އެކައުންޓްތަކުން މިކަން ސޯޝަލް މީޑިއާގައި ހާމަކޮށްފައިވެ އެވެ.

ބޮން އަޅާ ބޯޓުތަކާއި ސެން ފްރެންސިސްކޯގެ ގްރައުންޑް ސްޓޭޝަންތަކާއި ބޮން ގޮއްވާ ބޯޓުތަކާއި އޮސްޓްރޭލިއަން އެއާ ޓްރެފިކް ކޮންޓްރޯލް (އޭޓީސީ) އާއި ދެމެދު ރޭޑިއޯ މުއާމަލާތް ކުރުމުން އެކަން ހާމަވެގެން ދިޔަ އެވެ. މި މުއާމަލާތްތަކުގެ ރެކޯޑިންތައް މިހާރު އާންމުންނަށް ލިބެން ހުރިއިރު، ފާއިތުވި 24 ގަޑިއިރުގެ ތެރޭގައި ވަނީ ސޯޝަލް މީޑިއާގައި އާންމުކޮށްފައެވެ.

ފުރަތަމަ ތިން ބޯޓު ޑިއޭގޯ ގާސިއާއަށް ދިޔަކަން އެނގުނު އިރު، އޭގެ ފަހުން ދިޔަ ހަތަރު ވަނަ ބޯޓު ޖެއްސުމަށް މައްސަލަތަކެއް ދިމާވި ކަމަށް ތުހުމަތު ރިޕޯޓުކޮށްފައިވެއެވެ. ފަހުން ފަސް ވަނަ ބީ-2 ބޮން އަޅާ ބޯޓެއް ވައިޓްމަން ދޫކޮށް އިންޑިއާ ކަނޑުގައި އޮންނަ ޑިއޭގޯ ގާސިއާއަށް ދިޔަ ކަމަށް ރިޕޯޓްތައް ބުނެ އެވެ.

އަންނަ ރިޕޯޓްތަކަށް ބަލާއިރު، މަދުވެގެން އިތުރު ދެ ބޮން އަޅާ ބޯޓު އެ ބޭސްއަށް ޖައްސާނެ ކަމަށް ބެލެވެ އެވެ. ޔޫއެސްއޭއެފްގެ މިހާރު ވައިޓްމަންގައި 20 ބީ-2 ބޮން ގޮއްވާ ބޯޓު ބަހައްޓާފައިވާއިރު، މާނައަކީ މި ބޮން އަޅާ ބޯޓުތަކުގެ ތެރެއިން %30 އަށްވުރެ ގިނަ ބޯޓު މިހާރު ގެންގޮސްފައިވަނީ ޑިއޭގޯ ގާސިއާއަށް ކަން ފާހަގަ ކޮށްލެވެއެވެ.

މީގެ އިތުރުން ސެޓެލައިޓް އިމޭޖްރީން ފެންނަ ގޮތުގައި ފާއިތުވި ދެ ދުވަހުގެ ތެރޭގައި ޑިއޭގޯ ގާސިއާއަށް ގިނަ ސީ-130 އަސްކަރީ ދަތުރުފަތުރު ކުރާ މަތިންދާބޯޓާއި ކޭސީ-135 އެއާ ރިފިއުލިން ޓޭންކަރުތައް ފޮނުވާފައިވެއެވެ.