މިހާރު މިއޮތީ ރައްޔިތުންގެ ބާރު ދަށްކާލަން ޖެހޭ ވަގުތު ޖެހިފައިކަމަށް މަލީހް ވިދާޅުވެއްޖެއެވެ.
މަލީހް މިފަދައިން ވިދާޅުވެފައިވަނީ ރައްޔިތުންގެ މަޖޖިލިސް އިންތިހާބުގައި ކުރިމަތިލައްވަން ޝައުގުވެރިކަން ހުންނެވި ފަރާތްތަކުގެ ފޯމުތައް އީސީއަށް ހުށަހެޅުމަށްފަހު ދެއްވި އިންޓަވިއު އެއްގައެވެ.
މަލީހް ވިދާޅުވަނީ ދިވެހިރާއްޖޭގެ ގާނޫނު އަސާސީ ބުނަނީ ބާރުތައް ފެށިގެން އަންނަނީ ދިވެހި ރައްޔިތުންގެ ފަރާތުން ކަމަށާއި މިއަދު މިއޮތީ ރައްޔިތުންގެ ބާރު ދަށްކާލަން ޖެހިފައިކަމުގައެވެ.
ދިވެހި ރާއްޖޭގެ ގާނޫނު އަސާސީ ބުނަނީ ބާރު ފެށިގެން އަންނަނީ ރައްޔިތުންނާއި ހަމައިންނޭ. ރައްޔިތުންގެ ކިބައިންނޭ. މިއޮތީ ރައްޔިތުންގެ ބާރު ދައްކާލަން ވީ ވަގުތު
މުހައްމަދު މަލީހް ޖަމީލް
އަދި ހަމައެއާއެކު މި އިންތިހާބު ވެގެންދާނީ ރައީސް ޔާމީން ނުހައްގުން ޖަލުގެ ތޭރިތަކުގެ ފަހަތުގައި ބަހަައްޓަވައި ކުރިއަށްދާނެ ހަތަރު ވަނަ އިންތިހާބު ކަމުގައި ކަމަށްވެސް މަލީހް ފާހަގަކުރެއްވިއެވެ.
ރައީސް ޔާމީންގެ ފުރިހަމަ ތާއީދާއި އެކު ރައްޔިތުންގެ މަޖިލީހަށް ވާދަކުރައްވާފައިވަނީ ޖުމްލަ 47(ސާޅީސް ހަތް) ފޯމުވަނީ ހުށަހަޅާފައެވެ. އަންގާރަ ދުވަހު 28( އަށާވީސް) ފޯމް އަދި ބުދަ ދުވަހު 19 ( ނަވާރަ) ފޯމުވަނީ ހުށަހަޅާފައެވެ.
