މުހައްމަދު މަލީހް ޖަމާލް / ސޯޝަލް މީޑިއާ
ސިޔާސީ
ފިނިފެންމަލެއްހެން އުފަލުން ފޮޅޭ ފަދަ ވާހަކަ ސުރުޚީތަކުގައި ޖެހިޔަސް އިގްތިސޯދަށް ލޯލާރި ވެސް ނުވަދޭ: މަލީހު
Mariyam Isaadha
މަރިޔަމް އިސާދާ
01 އޭޕްރީލު 2025
މާލެ ސިޓީ

އިގްތިސޯދާ ގުޅުވާ ރައްޔިތުން އުފަލުން ފޮޅޭ ފަދަ ވާހަކަތަކެއް އިގްތިސޯދީ ވަޒީރާ ހަވާލާދީ ޚަބަރުތަކުގެ ސުރުޚީތަކުން ފެނުނު ނަމަވެސް ހަގީގަތަކީ ރާއްޖޭގެ އިގްތިސޯދަށް މި ސަރުކާރަށް ދޮޅު އަހަރު ވެގެން ދާއިރު ލޯ ލާރި އެއްވެސް ނުވަންނަ ކަންކަމަށް ޕީޕަލްސް ނޭޝަނަލް ފްރޮންޓް (ޕީއެންއެފް)ގެ ސެކެރެޓަރީ ޖެނެރަލް މުހައްމަދު މަލީހު ޖަމާލު ވިދާޅުވެއްޖެއެވެ.

މަލީހު މިފަދައިން ވިދާޅުވީ ޕީއެންއެފް އިން ބޭއްވި ޖަލްސާއެއްގައި ގައުމުގެ އިގްތިސޯދީ ހާލަތު އޮތް މިންވަރަށް އަލި އަޅުވާ ލައްވާ ދެއްކެވި ވާހަކައިގައެވެ.

މަލީހު ވިދާޅުވީ، ސަރުކާރުގެ ޚަރަދުތައް ހުރީ އިންތިހާއަށް މަތީގައި ނަމަވެސް ޚަރަދުތައް ކުޑަކުރަން އެއްވެސް ފިޔަވަޅެއް ސަރުކާރުން ނާޅާ ކަމަށެވެ. މަލީހު ވިދާޅުވީ މިކަންކަން މިހެން ހުރިއިރު ރާއްޖޭގެ އިގްތިސޯދީ ހުރިހާ އިންޑިކޭޓަރތަކެއް ހުރީ ފްލޮޕާ ދިމާއަށް ކަމަށާ އިގްތިސޯދީ ވަޒީރު ގެންދަވަނީ ރައީސް މުހައްމަދު މުއިއްޒަށް ނަނާ ހުވަފެން ދައްކަމުން ކަމަށެވެ.

ބަންކަރިން ލިބޭނެ ބޮޑެތި އާމްދަނީ އިކޮނޮމީ ޑައިވާސިފައި ކޮށްގެން ލިބޭނެ ބޮޑެތި އާމްދަނީތަކުގެ ވާހަކަ ކްރިއޭޓާރ އިކޮނޮމީއެއްގެ ވާހަކަ، ބޭރުގެ އިންވެސްޓްމަންޓުތައް އަންނަ ވާހަކަ، މިހެން ގޮސް އަޅުގަނޑުމެން އުފަލުން ހަމަ ފޮޅިފައި. ފިނިފެންމަލެއްހެން އަޅުގަޑުމެން ފޮޅިފައި ތިބޭ ފަދަ ވާހަކަ ސުރުހީތަކުގައި ހައްދަވާފައި. ދޮޅު އަހަރުވެގެން ދިޔައިރު ލޯ ލާރިއެއް ރާއްޖެއަށް ވަދެފައި ނެތޭ. އެއްކަލަ ބޮޑު ވަރުގަދަ ބޭންކު ހުރީ ތަޅުލާފައި. ތިން އަހަރުގެ ބަޖެޓަށްވާވަރަށް ރާއްޖެ ދަރާފައި.

- މަލީހު

މަލީހު ވިދާޅުވީ ރާއްޖޭގެ އިގްތިސޯދާ ގުޅިގެން ފެހި ސިގްނަލް ލިބިފައި ހުރި ކަމަށް ރައީސް ޑރ މުހައްމަދު މުއިއްޒު ވިދާޅުވެފައިވީ ނަމަވެސް ދުނިޔޭގެ މާލީ އިދާރާތަކުންނާ ރާއްޖޭގެ އިގްތިސޯދީ މާހިރުންނާ، ރާއްޖޭގެ މިނިސްޓްރީތަކުގެ އެތެރޭގެ ތިއްބެވި ބޭބޭފުޅުންގެ އަމަލުން ފެންނަނީ ރާއްޖޭގެ އިގްތިސޯދު މިއިން ޒަމާނަކުވެސް ނުވެެއްޓޭ ވަރުގެ އަނދަވަޅަކަށް ވެއްޓިފައިވާ މަންޒަރު ކަމަށެވެ.

ކޮމެންޓު
Copyright © 2013-2025 Media Ring Pvt Ltd.
All rights reserved