

15 ބިލިއަން ރުފިޔާ ހޭދަކޮށްގެން މަރުކަޒީ ބޭންކު، އެމްއެމްއޭއަށް ބިމެއް ގަންނަން ހަދާފައިވާ ޓްރާންްސެކްޝަނަކީ، ރައީސް މުހައްމަދު ނަޝީދުގެ ޒައާމަތުގައި ދިވެހިންގެ އެއާޕޯޓު އިންޑިއާގެ ޖީއެމްއާރަށް ވިއްކާލަން ހެދި ފަދަ ދެ އުޅިއެއް ނުވާ ޓްރާންސެކްޝަނެއް ކަމަށް ރައީސް އަބްދުﷲ ޔާމީން ވިދާޅުވެއްޖެއެވެ.
އެމަނިކުފާނު މިފަދައިން ވިދާޅުވީ، ޕީއެންއެފުން އެންމެ ފަހުން ބޭއްވި ޖަލްސާގައި ވާހަކަފުޅު ދައްކަވަމުންނެވެ.
ރައީސް ޔާމީން ވިދާޅުވީ އެމްއެމްއޭއިން ބިމެއް ގަންނަން ފައިސާ ޗާޕުކުރަން އުޅޭއިރު އެމްއެމްއޭއިން ރިއަލް އެސްޓޭޓު ވިޔަފާރީގެ ތެރެއަށް ވަތް ދުވަހަކާ މެދު އެމަނިކުފާނުގެ ހިތްޕުޅުގައި ސުވާލު އުފެދޭ ކަމަށެވެ.
އެމަނިކުފާނު ވަނީ 15 ބިލިއަނަށްވާ ފައިސާ ޗާޕުކުރަން ސަރުކާރުން އުޅޭ ކަމަށް ދެކެވޭ ވާހަކަތައް ސަރުކާރުން ދޮގު ކުރާތީ އެކަމަށް އަލި އަޅުވާލައްވާފައެވެ. އެގޮތުން ރައީސް ޔާމީން ވިދާޅުވީ އެމްއެމްއޭއަކީ އަމިއްލަ ވިޔަފާރިއެއް އަދި އިންވެސްޓުމަންޓެއްވެސް އޮތް ބައެއް ނޫން ކަމަށްވާއިރު އެމްއެމްއޭއިން ބިމެއް ގަންނަން ފައިސާ ހޯދާނެ ގޮތަކާ މެދު ސުވާލު އުފައްދަން ޖެހޭ ކަމަށެވެ. އެހެނީ އެމްއެމްއޭގައި ހުންނަ ފައިސާއަކީ ދިވެހި ރައްޔިތުންނާ އަދި ދައުލަތުގެ ފައިސާ ކަމަށްވާއިރު އެ ފައިސާއިން އެމްއެމްއޭއަށް ގަނެވޭނެ ބިމެއް ނޯންނާނެ ކަމަށާ ބިން ގަންނަކަމުގައިވަނީ ނަމަ އެމްއެމްއޭއިން ޖެހޭނީ ފައިސާ ޗާޕުކުރަން ކަމަށް އެމަނިކުފާނު ވިދާޅުވިއެވެ.
އެހެންކަމުން އެމްއެމްއޭއިން އުޅެނީ ބިން ގަންނަން ފައިސާ ޗާޕުކުރަން ކަމަށް ވިދާޅުވެ ފައިސާ ޗާޕުކޮށް ބިންގަތް ނަމަވެސް އެ ބިމަކީ އަނބުރާ ހޯދޭނެ ބިމެއް ކަން އެމަނިކުފާނު ފާހަގަކުރައްވިއެވެ.
އެހެންވީމަ 15 ބިލިއަންއަކީ އައިދަރ ޗާޕުކުރަން އުލޭ ލާރި އެއީ ސާކިއުލޭޝަނުން ބޭރު އެމްއެމްއޭ އަތުގައި ނުހުންނާނެ 15 ބިލިއަނެއް ބަހައްޓާފައި. އެހެންވީމަ އެއުޅެނީ ޗާޕުކުރަން ދެން ޗާޕުކޮށްގެން 15 ބިލިއަން ދީފައި ހުޅުމާލޭގެ ބިން ގަނެފިކަމަށް ވަންޏާ އިނގޭތޯ، މަލީހު އެމްއެމްއޭ ބޯޑުގައިވެސް ސަރުކާރުގަ ވެސް ސީނިއާ މަގާމުތަކުގައިވެސް އުޅެފަ ހުރީމަ ދެން އަންނަ ސަރުކާރަށް ރައިޓު ނެތްތޯ އެ ބިން އަނބުރާ އަތުލާފަ އެމްއެމްއޭއަށް އެންމެ ލާރިއެއް ވެސް ނުދޭން. (މަލީހު: އެބައޮތް ރައީސް) އެއީ އެމްއެމްއޭގެ ލާރިއެއް ނޫނެއްނު. ދައުލަތުން ޗާޕުކުރި ލާރިއެއް ނޫން. އެމްއެމްއޭގެ އިންވެސްޓްމަންޓެއް ނުހުންނާނެ ގޮތް ލޮޖިކަލީ އަޅުގަޑަށް ވިސްނޭ ގޮތް މި ކިޔައިދިނީ. އެހެންވީމަ އެމްއެމްއޭއިން މިއުޅެނީ ކީއްކުރަން ހެއްޔޭ. އެ ބިމަކު އެމްއެމްއޭއަށް ކުރެވޭނެ ކަމެއް ނޯންނާނެ. އެ ބިން އަތުލެވޭނެ ދެން އަންނަ ސަރުކާރެއްގައި. އެެއީ އެމްއެމްއޭގެ ލާރިއެއްނޫން އެ ލާރިއަކީ. އެހެންވީމަ އެމްއެމްއޭގެ މި ޓްރާންސެކްޝަނަކީ ރައީސް ނަޝީދު ޖީއެމްއާރާއެކީ އެއާޕޯޓު ވިއްކާލަން ހެދި ކަހަލަ ދެއުޅިއެއް ނުވާ ޓްރާންސެކްޝަނެއް ނޫންތޯ
ދިވެހި ރުފިޔާއިން ފައިސާ ބަހައްޓާ ވިޔަފާރިވެރިންގެ ނެޓު ވާރތު، ސަރުކާރުގެ އިހުމާލުން އިރޯޑުވެއްޖެ ކަމަށް ވެސް ރައީސް ޔާމީން ވިދާޅުވިއެވެ.