މަލީހު ހައި ކޯޓު ކައިރީ ނޫސްވެރިންނަށް މައުލޫމާތު ދެއްވަނީ. ފޮޓޯ: ޗެނަލް 13
ސިޔާސީ
މަޖިލިސް އިންތިހާބު އަންނަ އިރު ރައީސް ޔާމީން މިނިވަންވެފައި ހުރުން މުހިއްމު: މަލީހު
Mariyam Isaadha
މަރިޔަމް އިސާދާ
09 ޖެނުއަރީ 2024
މާލެ ސިޓީ

ރައްޔިތުންގެ މަޖިލީހުގެ އިންތިހާބު އަންނަ އިރު ރައީސް އަބްދުﷲ ޔާމީން މިނިވަންވެވަޑައިގެން ހުންނެވުން ވަރަށް މުހިއްމުކަމަށް ރައީސް ޔާމީން އަލަށް އުފައްދަވާ ޕާޓީ، ޕީޕަލްސް ނެޝަނަލް ފްރޮންޓު އުފެއްދެވުގައި އިސްކޮށް ހަރަކާތްތެރިވާ މުހައްމަދު މަލީހު ޖަމާލު ވިދާޅުވެއްޖެއެވެ.

މަލީހު މިފަދައިން ވިދާޅުވީ ރައީސް ޔާމީންގެ ފަރާތްޕުޅުން ދިވެހިރާއްޖޭގެ ހައިކޯޓަށް ހުށަހަޅާފައިވާ ވ.އާރަށުގެ މައްސަލައިގެ އިސްތިއުނާފުގެ ހުކުމް ލަސްވަމުން ދާ ދިއުމާ ގުޅީގެން އެ ކޯޓަށް އާދިއްތަ ދުވަހު ވަޑައިގަތުމަށް ފަހު މީޑިޔާތަކަށް ދެއްވި އިންޓަރވިއުގައެވެ.

ރައީސް ޔާމީންއަށް އިންސާފު ނުލިބި ލަސްވަމުންދާ ދިއުމުގެ ކަންބޮޑުވުމާއެކު އެމަނިކުފާނުގެ އާއިލާއާ އަދި ސަޕޯޓަރުންގެ ފަރާތުންވަނީ އާދިއްތަ ދުވަހު ހައިކޯޓަށް ވަޑައިގެންފައެވެ. އެކަމާ ގުޅޭގޮތުން މައުލޫމާތު ދެއްވަމުން މަލީހު ވިދާޅުވީ ރައީސް ޔާމީންއަށް އިންސާފު ނުލިބި މާބޮޑަށް ވެސް ލަސްވެއްޖެ ކަމަށާ އެމަނިކުފާނަށް ލިބެމުންދަނީ ހައްގު ނޫން އނަިޔާތަކެއް ކަމަށެވެ.

އެގޮތުން އެ އަނިޔާތަކާ ހައްގު ނޫން ހުކުމްތަކުގެ ސަބަބުން އެމަނިކުފާނުގެ އެތައް ހައްގުތަކެއް ގެއްލިފައިވާ ކަން މަލީހު ފާހަގަކުރެއްވިއެވެ.

ރައްޔިތުންގެ މަޖިލިސް އިންތިހާބު އަންނައިރު ރައީސް ޔާމީން މިނިވަން ވުމަކީ ކޮންމެ ހެން ވެސް ލާޒިމު ކަމެއް. ސަރުކާރު ބަދަލުވުމުގެ ވޯޓު ދިނީ ކަންކަން އިސްލާހު ކުރަން. ރައްޔިތުން ނިންމީ ކަންކަން އިސްލާހުކުރާނީ ވޯޓުންނޭ ކޯޓަކުން ނޫނޭ.

- މަލީހު

މަލީހު ވިދާޅުވީ ރައީސް ޔާމީން މިނިވަންކުރަން ނުކެރިގެން އުޅެނީ އެމަނިކުފާނުގެ މަގްބޫލުކަން އެނގޭތީ ކަމަށެވެ.

މަލީހު މިހެން ވިދާޅުވެފައިވާއިރު ރައީސް ޔާމީން ޖަލުގައި ނުހައްގުން ހުކުމް ތަންފީޒުކުރަމުން ދަނިކޮށް ގޭބަންދަށް ލުއިދިނީ ރިޔާސީ އިންތިހާބުން ރައީސް އިބްރާހިމް މުހައްމަދު ސޯލިހަށް ލިބުނު ނާކާމިޔާބީއަށް ފަހު ކުރީ ސަރުކާރުންނެވެ.

ފަހުން މާލޭގެ ގިނަ ތަންތަނަށް ދެވޭ ގޮތަށް ލުއިތައް އިތުރުކޮށްދިން ފަހުން އިތުރު ލުޔެއް އެމަނިކުފާނަށް ލިބިފައެއް ނެތެވެ.

ކޮމެންޓު
Copyright © 2013-2025 Media Ring Pvt Ltd.
All rights reserved