ދިވެހިރާއްޖޭގެ އިގްތިސޯދު އޮތީ ފުލް ސްޓޮޕެއްގައި ކަމަށް ޕީޕަލްސް ނެޝަނަލް ފްރޮންޓް (ޕީއެންއެފް)ގެ ސެކެރެޓަރީ ޖެނެރަލް މުހައްމަދު މަލީހު ޖަމާލު ވިދާޅުވެއްޖެއެވެ.

ބުރާސްފަތި ދުވަހުގެރޭ ބޭއްވި ޕީއެންއެފްގެ ޖަލްސާގައި ވާހަކަ ދައްކަވަމުން މަލީހު ވިދާޅުވީ، ރައީސް މުހައްމަދު މުއިއްޒުގެ ވެރިކަމަށް 17 މަސްވެގެން ދިޔައިރު ގައުމަށް ވަތް ބޭރުގެ އިންވެސްޓްމަންޓެއް ލިބުނު ޕްރޮޖެކްޓެއް ވެސް ނެތް ކަމަށެވެ. ނަމަވެސް ދަތުރުތަކަށް މެދުކެނޑުމެއް ނާންނަ ކަމަށާ ނަތީޖާ ސުމެއް ކަމަށެވެ.

އޭގެ ބަދަލުގައި މަލީހު ވަނީ ރައީސް އަބްދުﷲ ޔާމީންގެ ޒައާމަތުގައި އެމަނިކުފާނު ގައުމުން ބޭރަށް ކުރެއްވި ކޮންމެ ރަސްމީ ދަތުރުފުޅެއްގައި ގައުމަށް ފައިދާހުރި އިންވެސްޓްމަންޓްތަކާ ޕްރޮޖެކްޓުތައް އެތެރެކުރެއްވިކަން ފާހަގަކުރައްވާ ދައުލަތުގެ ޚަރަދުގައި ދަތުރުކުރުމުގެ ބޭނުމަކީ އެއީކަން ފާހަގަކުރައްވާފައެވެ.