Raees Dr Muizzu Keumah Fancy Keunthah Ballaavaa iru Raajje Oiy Nikamethi Haalathaai Medhu Dr Jameel Kanboduvun Faalhu Kuravvaifi

ރައީސް ޑރ މުހައްމަދު މުއިއްޒު ކެއުމަށް ފެންސީ ކެއުންތައް ބައްލަވާއިރު ރާއްޖެ އޮތް ނިކަމެތި ހާލަތާއި މެދު ކުރީގެ ނައިބު ރައީސް ޑރ މުހައްމަދު ޖަމީލް އަހްމަދު ކަންބޮޑުވުން ފާޅު ކުރައްވާފިއެވެ.

ޑރ ޖަމީލް މިފަދައިން ވިދާޅުވެފައިވަނީ އެކްސްގައި ކުރެއްވި ޕޯސްޓެއްގައެވެ.

އެ ޕޯސްޓުގައި ތޭރަ އޮންލައިނުން ޝާއިރު ކުރި "މިވަރުން ޚަރަދު ކުޑަކުރެވޭތަ؟ ރައީސް މީހާ ކޭން ބައްލަވަނީ ވެސް ގެރި މަހާ ޑިނގާއާ ކަންބަޅި މަސް، އެންމެ ދުވަހަކަށް 9.000 ރުފިޔާ" ހަބަރު ހިއްސާކުރައްވާ ޑރ ޖަމީލު ވިދާޅުވެފައިވަނީ، އެ ހަބަރު އަޑު އިވުމުން އެތަކެއް އުނދަގޫތަކެއްވެ ސިހުން ގެނުވިކަމަށެވެ.

This news made me sick to my stomach — So shocked. A man who was raised by a single father and lived frugally, sharing even a single parcel of food between them. @MMuizzu has the audacity to squander taxpayers' money on fancy meals while the rest of the nation suffers through a… https://t.co/e0D1fTQNqN
— Mohamed Jameel Ahmed (@MJameelAhmed) April 12, 2025

ރައީސް މުއިއްޒަކީ އެކަނިވެރި ބައްޕައަކު ތަރުބިއްޔަތުކޮށް، ޚަރަދުކުޑަކޮށް ބޮޑުވި ބޭފުޅެއްކަން ޑރ ޖަމީލް ފާހަގަ ކުރެއްވިއެވެ. ކާބޯތަކެތީގެ އެންމެ ޕާރުސަލެއް ވެސް ރައީސް މުއިއްޒާއި ބައްޕާފުޅުގެ މެދުގައި ހިއްސާކޮށްގެން ކައިގެން އުޅުނުކަމަށް ވިދާޅުވިއެވެ.

އަދި ރައީސް މުހައްމަދު މުއިއްޒުއަށް ޓެކްސް ދައްކާ ފަރާތްތަކުގެ ފައިސާ ފެންސީ ކެއުންތަކަށް ބޭކާރު ކުރުމުގެ ހިތްވަރު ލިބިފައިވާއިރު ގައުމުގެ އިގްތިސާދީ ހާލަތު އޮތީ ކަންބޮޑުވާ މިންވަރުގައިކަމަށް ޑރ ޖަމީލްގެ ޕޯސްޓުގައި ފާހަގަ ކުރައްވާފައިވެއެވެ.