ދައުލަތުން ކޮރަޕްޝަނާއި ގުޅިގެން ގެއްލުނު އެއްވެސް ފައިސާއެއް ހޯދުމަށް ރައީސް ޑރ މުހައްމަދު މުއިއްޒު މަސައްކަތް ނުކުރައްވާކަމަށް ރައީސް އަބްދުﷲ ޔާމީން އަބްދުލްގައްޔޫމް ވިދާޅުވެއްޖެއެވެ.

ރައީސް ޔާމީން މިފަދައިން ވިދާޅުވެފައިވަނީ ޕީޕަލްސް ނޭޝަނަލް ފްރަންޓް ޕީއެންއެފްގެ ފްރަންޓް އޮފީސް ޖަލްސާގައި އޯޑިއެންސްގައި އިންނަވާ ދެއްކެވި ވާހަކަފުޅުގެ ތެރެއިންނެވެ.

އެގޮތުން މިއަދު ރައީސް ގެންދަވަނީ ރައްޔިތުންނަށް ފާޅުގައި އޮޅުވާލަމުންކަމަށް ރައީސް ޔާމީން ތުހުމަތު ކުރެއްވިއެވެ. އަދި އެއީ ހިޔަޅު ވިސްނުން ނޫން ކަމާއި ކޮރަޕްްޝަން އާއި ހެދި ގެއްލުނު އެއްވެސް ފައިސާއެއް އަނބުރާ ހޯދުމަށް ރައީސް މުއިއްޒު މަސަކަތް ނުކުރާކަމަށްވަނީ ފާހަގަ ކުރައްވާފައެވެ.

ދައުލަތުގެ ތެރެއިން ހިނގާ ކޮރަޕްޝަންގެ އަމަލުތައް ތަހުގީގު ނުކުރެވެނީ ރައީސް މުއިއްޒުގެ ނަން އަތު ވެދާނެތީކަމަށް ރައީސް ޔާމީން ވަނީ ތުހުމަތު ކުރައްވާފައެވެ.