ސަރުކާރުގެ ޑިފެންސަށް ކުޅެން ސިޔާސީ މުވައްޒަފުންނަށް ރައީސް އޮފީހުން އަންގައިފިއެވެ.
ސަރުކާރުން މިފަދައިން އަންގާފައިވަނީ ރައީސް އޮފީހުގެ ފަރާތުން އިއްޔެ ސިޔާސީ މުވައްޒަފުންނާ އެކު ބޭއްވި ބައްދަލުވުމެއްގައެވެ.
އެގޮތުން ރައީސް އޮފީހުގެ ކޮމިއުނިކޭޝަންސް މިނިސްޓަރު އިބްރާހިމު ޚަލީލު އާ ރައީސް އޮފީހުގެ ސްޕޯކްސް ޕާސަން ހީނާ ވަލީދުއާ ޕީއެންސީގެ ޕީޖީ ލީޑަރ އިބްރާހިމު ފަލާހު އިސްވެ ތިބެ ބޭއްވި އެ ބައްދަލުވުމުގައި ޚަލީލު ވަނީ ވީހާ ވެސް ގިނައިން ހުރިހާ މުވައްޒަފުން ވެސް ސަރުކާރު ޕްރޮމޯޓުކޮށް ޓްވީޓުކޮށް އަދި ސޯޝަލް މީޑިޔާގެ އެކި ޕްލެޓު ފޯމުތަކުގައި ޕޯސްކުރުމަށް އަންގާފައެވެ.
މައުލޫމާތު ލިބިފައިވާ ގޮތުގައި ރައީސް އޮފީހުގެ ބޭފުޅުންނާ އަދި ފަލާހު ވެސް ސިޔާސީ މީހުންނާ ބައްދަލުކޮށްފައި މިވަނީ ޒުވާނުން މިހާރު ކުރަމުން ގެންދާ މުޒާހަރާތަކުގެ ސަބަބުން ސަރުކާރު ފިޓަށް ގޮސް ރައީސް މުހައްމަދު މުއިއްޒުއަށް ގޮތް ހުސްވެވަޑައިގެންނެވެ.
މި ބައްދަލުވުމުގައި މިނިސްޓްރީއަލް ލެވެލް އިން ފެށިގެން ސިޔާސީ މުވައްޒަފުން ބައިވެރިވެފައިވެއެވެ.
