ފާއިތުވި 24 ގަޑިއިރުގެ ތެރޭގައި ސަހްޔޫނީން ދިން ވައިގެ ހަމަލާތަކުގައި ފަލަސްތީނުގެ 29 މީހަކު ޝަހީދުވެފައިވާ ކަމަށް މަސްދަރުތަކުން ރިޕޯޓު ކުރަން ފަށައިފިއެވެ.

ޣައްޒާގެ ހެލްތު މިނިސްޓްރީން މިއަދު ހެނދުނު ބުނެފައިވަނީ ހޮސްޕިޓަލްތަކަށް 33 ހަށިގަނޑެއް ލިބިފައިވާކަމަށް އެކި މަސްދަރުތަކުންދަނީ ރިޕޯޓު ކުރަމުންނެވެ.

އަދި އިތުރު 94 މީހަކަށް އަނިޔާވެފައިވާ ކަމަށް ވެސް ޣައްޒާގެ ހެލްތު މިނިސްޓްރީންވަނީ ހާމަކޮށްފައެވެ.

މީގެ އިތުރުން ޣައްޒާގެ އުތުރުގައި އޮންނަ ޖަބަލިއާ ރެފިއުޖީ ކޭމްޕްގައި ހުންނަ އަންހެން ކުދިންގެ ސްކޫލަކަށް ހަމަލާދީ ސަހްޔޫނީ ސިފައިން 15 މީހަކު ޝަހީދުކޮށްލިކަމަށް މެޑިކަލް މަސްދަރުތަކާ ހަވާލާދީ އަލްޖަޒީރާ އަރަބިކް އިން މިއަދު ހެނދުނު ރިޕޯޓް ކުރިއެވެ.

މި ހަމަލާގައި ގިނަ އަދަދެއްގެ މީހުން ވަނީ ޒަހަމްވިކަން ހާމަކޮށްފައިވާ އިރު ޒަހަމްވީ މީހުންގެ އަދަދު ހާމައެއް ނުކުރެއެވެ.

ސަހްޔޫނީން ޣައްޒާއާ ދެކޮޅަށް ކުރި 19 މަސް ދުވަހުގެ ހަނގުރާމައިގައި ޝަހީދުވި މީހުންގެ ޖުމްލަ އަދަދު 52،862 އަށް އަރާފައިވާ ކަމަށް ޣައްޒާގެ ހެލްތު މިނިސްޓްރީގެ އެންމެ ފަހުގެ ތަފާސް ހިސާބުތަކުން ދައްކައެވެ.