ޣައްޒާގެ ދެކުނުގައި އޮންނަ ޚާން ޔޫނިސްގެ ނާސިރު މެޑިކަލް ކޮމްޕްލެކްސްއަށް އަމާޒުކޮށްގެން ދިން ހަމަލާއެއްގައި 2 މީހަކު ޝަހީދު ވި އިރު އޭގެން އެކަކީ ނޫސްވެރިއެއްކަން ހާމަވެއްޖެއެވެ.
ޣައްޒާގެ ސަރުކާރުގެ މީޑިއާ އޮފީހުން އަންގާރަ ދުވަހު ކަށަވަރުކޮށްދީފައި ވަނީ އެ ހޮސްޕިޓަލުގެ ކައިރީގައި ހުރި މީޑިއާ ޓެންޓަކަށް އޭޕްރީލް ހަތް ވަނަ ދުވަހު ސަހްޔޫނީން ދިން ހަމަލާއެއްގައި ލިބުނު ބޮޑެތި އަނިޔާތަކަށް ހޮސްޕިޓަލުގެ ބަރން ޔުނިޓުގައި ފަރުވާ ހޯދަމުން ދިޔަ ނޫސްވެރިޔާ އެސްލައިހު ޝަހީދުވިކަމަށް ރިޕޯޓު ކޮށްފައިވެއެވެ.
އަބޫ ޣާލީގެ ނަމުން ނަން ދީފައިވާ ހޮސްޕިޓަލުގެ މަސައްކަތްތެރިއަކު ބުނީ ސަހްޔޫނީން ބޮން ގޮއްވާލުމުގައި އާންމުންނާއި އަސްކަރީ މަރުކަޒުތަކަށް ދޭ ހަމަލާތަކުގައި ތަފާތެއް ނެތް ކަމަށެވެ.
އެސްލައިހަކީ އަލަމް24 ނިއުސް އެޖެންސީގެ ޑިރެކްޓަރުގެ އިތުރުން ބައިނަލްއަގްވާމީ ނިއުސް ޖަމިއްޔާތަކަށް ކޮންޓްރިބިއުޓް ކުރި ފްރީލާންސަރެކެވެ.
ސަހްޔޫނީން ވަނީ އޮކްޓޯބަރު ހަތް ވަނަ ދުވަހު ދިން ހަމަލާގައި ޝަހީދުވި އެސްލައިހު އަކީ ހަމާސްގެ ހަނގުރާމަވެރިއެއް ކަމަށް ސަހްޔޫނީން ބުނެފައިވާއިރު، އެ ތުހުމަތު އޭނާ ވަނީ ދޮގުކޮށްފައެވެ.
ހަނގުރާމަ ފެށުނު ފަހުން ފަލަސްތީނާއި އިސްރާއީލާއި ލުބުނާނުގައި މަދުވެގެން 178 ނޫސްވެރިންނާއި މީޑިއާ މަސައްކަތްތެރިން ޝަހީދުވެފައިވާކަމަށް ކޮމިޓީ ޓު ޕްރޮޓެކްޓް ޖާނަލިސްޓުން ބުނެފައިވެއެވެ.
