"ބުނި ބަސް" ސެގްމެންޓްގައި މިއަދު މިބަލާލަނީ 19 އޮގަސްޓު 2023 ވަނަ ދުވަހު ޕީޕީއެމް-ޕީއެންސީ ހިންގެވުމާ ކުރިން ހަވާލުވެ ހުންނެވި އަބްދުއްރަހީމް އަބްދުﷲ /އަދުރޭ ކުރީގެ ރައީސް މުހައްމަދު ވަހީދު ހަސަން މަނިކު އަށް ނިސްބަތް ކުރައްވާ ދެއްކެވި ވާހަކަފުޅަކަށެވެ.

ޕީޕީއެމްގެ ރިޔާސީ ޓިކެޓް ލިބިވަޑައިގަންނަވާނެ ކަމަށް އުންމީދުކޮށްގެން ހުންނެވި ކަމަށް ކުރީގެ ރައީސް ޑރ. މުހައްމަދު ވަހީދު ކުޅުއްދުއްފުށީގައި ބޭއްވި ގާސިމްގެ ކެމްޕެއިން ޖަލްސާގަ ދެއްކެވި ވާހަކަތަކަށް ރައްދު ދެއްވަމުން އަދުރޭ ވިދާޅުވީ ޕާޓީއާ ދުރުުގައި ހުންނެވުމަށް ފަހު، ވަހީދު ކުއްލިއަކަށް މަންޒަރަށް އައީ ރައީސް ޔާމީނަށް އިންތިހާބުގައި ވާދަނުކުރެއްވޭނެ ކަމަށް ސުޕްރީމް ކޯޓުން ހުކުމް ކުރެއްވުމާ އެކު، ރިޔާސީ ޓިކެޓް ހޯއްދެވުމަށް ކަމަށެވެ.

އަބްދުއްރަހީމް ވިދާޅުވި ގޮތުގައި 'ކޮންމެ މީހެއްގެ ވެސް ކޮންމެވެސް މިންވަރެއްގެ ލަދުހަޔާތެއް ހުންނަން ވާނެ' އެވެ. ރައީސް ޔާމީން ޖަލުގައި އޮންނަވަން ޖެހިވަޑައިގަތުމުން ދެ ޕާޓީގެ ލީޑާޝިޕާއި އާންމު މެންބަރުން އެހާ ނިކަމެތި ހާލަތުގައި ހިތާމަކޮށްކޮށް ތިބި އިރު، އެމަނިކުފާނު މިނިވަންކުރަން ވަހީދުގެ ފަރާތްޕުޅުން އެހީތެރިކަމެއް ނުލިބުނުކަން ތަކުރާރުކޮށް އޭނާ ފާހަގަކުރެއްވި އެވެ.

އަބްދުއްރަހީމް ވިދާޅުވި ގޮތުގައި އޭނާ ހުންނެވީ، ވަހީދަށް ރައްދެއް ދެއްވާކަށެއް ނޫނެވެ. ނަމަވެސް ރައްދު މި ދެއްވަނީ 'ތަންކޮޅެއް ލަދު ހަޔާތް ކުޑަކޮށް' ވަހީދު ވާހަކަފުޅު ދެއްކެވުމުން ކަމަށް ވިދާޅުވި އެވެ.

އަދި އަބްދުއްރަހީމް އެދުވަހު ވަނީ ރައީސް ޔާމީން ވިދާޅުވި "މިނިކާ ބާޒަ" ކީ ވަހީދު ގޮތުގައި ސިފަކުރައްވާފައި އެވެ.

ރައީސް މުއިއްޒު އަށް ފާޑު ވިދާޅުވެ ވަހީދު މީގެ ކުރިން ވާހަކަ ދެއްކެވި ނަމަވެސް އަދުރޭ އެ ވިދާޅުވާ "ބާޒު" އެޗެއްސީ ވެރިކަން ކުރާ ޕީއެންސީ ގައި އެވެ. އަދި އެއީ ރައީސް ޑރ. މުހައްމަދު މުއިއްޒުގެ ހާއްސަ މަންދޫބު ގޮތުގައި އެވެ. ރައީސް މުއިއްޒު ވަނީ ވަހީދަކީ ވަރަށް ގާބިލު ބޭފުޅެއް ކަމުގައި ފާހަގަކުރައްވައިފަ އެވެ.

ނަމަވެސް މިއަދު "ވަމުންދާގޮތް" ބައްލަވާށެވެ. މިއަދު އަދުރޭ އެދަނީ މުއިއްޒުގެ ސަފުން މަޑުމަޑުން ދުރުކުރަމުން ނެވެ. ފުރަތަމަ ދަރިފުޅު ފައިސަލް އެވެ. ދެން ފައިސަލް ބައްޕަ އަބްދުއްރަހީމް އެވެ.