އދގެ 80 ވަނަ އާންމު މަޖިލީހުގެ ނައިބް ރައީސްގެ މަގާމަށް ރާއްޖެ އިންތިހާބުވެއްޖެ އެވެ.
މި ކަން ހާމަ ކުރައްވައި ރައީސް ޑރ. މުހައްމަދު މުއިއްޒު، އެކްސްގައި މިރޭ ކުރެއްވި ޕޯސްޓެއްގައި ވިދާޅުވީ އދ.ގެ މެންބަރު ގައުމަތަކާ ގާތުން މަސައްކަތްކޮށް، 80ވަނަ އާންމު މަޖިލީހުގައި ކުރިއެރުންތަކެއް ހޯދުމަށް ރާއްޖެއިން މަސައްކަތް ކުރާނެ ކަމަށެވެ.
ރާއްޖެއިން އދ.ގެ މެންބަރު ގައުމެއްގެ ގޮތުގައި 60 އަހަރު ހޭދަކުރާއިރު، މަލްޓިލެޓަރަލް ސިސްޓަމް ހަރުދަނާކުރުމުގައި ރާއްޖެއިން ދެމިތިބޭނެ ކަމަށް އެ މަނިކުފާނު ވިދާޅުވި އެވެ.
ރާއްޖޭން ވަނީ އދ.ގެ އާންމު މަޖިލީހުގެ ރައީސްކަން ވެސް ކޮށްފަ އެވެ. އދ.ގެ 76 ވަނަ އާންމު މަޖިލީހުގެ ރައީސްގެ މަގާމު ފުރުއްވީ، އޭރު ރާއްޖޭގެ ފޮރިން މިނިސްޓަރު އަބްދުﷲ ޝާހިދެވެ. ޝާހިދަކީ މި ވަގުތު އިދިކޮޅު އެމްޑީޕީގެ ރައީސެވެ.
