ޓެރަރިޒަމްގެ ހަމަލާއެއް ރާއްޖޭގައި ދީފާނެކަމަށްބުނެ އޮސްޓްރޭލިއާއިން ޓްރެވެލް އެޑްވައިޒަރީއެެއް ނެރެފި އެވެ.
މިދިޔަ ބުރާސްފަތި ދުވަހު އޮސްޓްރޭލިއާގެ ފޮރިން މިނިސްޓްރީގެ ދަށުން ހިންގާ ސްމާޓްރެވެލާ އިން މި އެޑްވައިޒަރީ ނެރެފައިވެއެވެ.
ރާއްޖޭގައި ހިނގަމުންދާ ދަނީ ހަމަނުޖެހުންތަކާއި ޓެރަރިޒަމްގެ ނުރައްކާ އޮތުމާއެކު، ދަތުރުކުރުމުގައި ވަރަށް ބޮޑަށް ސަމާލުވުމަށް ވަނީ އަންގާފަ އެވެ. އަދި ހަމައެހެންމެ މުޒާހަރާތަކާއި ހަމަނުޖެހުންތައް ހިނގަފާނެ ކަމަށާއި، މިފަދަ ސަރަހައްދުތަކުން ދުރުހެލިވުމަށް އިރުޝާދު ދީފައިވެ އެވެ.
އެ އިންޒާރުގައި ޚާއްސަކޮށް މާލެ ސަރަހައްދުގައި ހިނގާ މުޒާހަރާތަކަށް ސަމާލުކަން ދިނުމަށް އަންގާފައިވެއެވެ. އަދި ހަމައެހެންމެ މި އިންޒާރަކީ ލެވެލް 2 ގެ ދަތުރުފަތުރުގެ އިންޒާރަކަށް ވީ ނަމަވެސް މިއީ ދަތުރު ނުކުރުމަށް އަންގާ އިންޒާރެއް ނޫނެވެ.
މި އިންޒާރާއިއެކު، ރާއްޖެ އަށް ދަތުރުކުރާ ދަތުރުވެރިން އިތުރު ރައްކާތެރިކަމުގެ ފިޔަވަޅުތައް އަޅައި، ރަސްމީ އިރުޝާދުތަކަށް ސަމާލުވުމަށް ސްމާޓްރެވެލާއިން އިލްތިމާސްކޮށްފައިވެ އެވެ.
