ފްލެޓްތަކަށް ކުލި ނުދައްކާ ފަރާއްތަކަށް ނޯޓިސް އެއް ފޮނުވުމަށް ނިންމާފައިވާ މައްސަލަޔާއި ގުޅިގެން ރައިސް އަބްދުﷲ ޔާމީން އަބްދުލް ޤައްޔޫމް ފާޑުވިދާޅުވެއްޖެ އެވެ.

ޕީއެންއެފްގެ ފްރޮންޓް އޮފީހުގައި ކުރިޔަށް ގެއްދިޔަ ޖަލްސާގައި ވާހަކަފުޅު ދައްކަވަމުން އެމަނިކުފާނު ވިދާޅުވީ، ފްލެޓް ބިނާ ކޮއްފަ ހުރީ ރައްޔިތުންގެ ފައިސާއިން ކަމުގައެވެ. އެހެން ކަމުން އެރައްޔިތުންނަށް ނޯޓިސް ދީ، އެފަދަ ގޮތަކަށް އެކަންތައް ކޮއްގެން ނުވާނެ ކަމުގައެވެ.

ހުޅުމާލެއަކީ މާލޭގައި މީހުން ގިނަވެ ތޮއްޖެހުމުގެ ސަބަބުން ތަރައްގީކޮއްފައި ވާ ބިމަކަށްވާއިރު، ފޭސް 2 އެއީ ހަމަ އެމަގުސަދުގައި ހިއްކާފައިވާ ބިމެއް ކަމަށެވެ. ނަމަވެސް ގިނަ ބަޔަކަށް އެތަނުން ގޯތި ބަހާ މިއަދު އެތަން ބައިބައި ކޮއްފި ކަމުގައި އެމަނިކުފާނު ވިދާޅިުވިއެވެ.

މިއަދު ދިވެހި ރާއްޖެއަށް ދިމާވެފައިވާ އެންމެ ބޮޑު އެއް މައްސަލައަކީ ބޯހިޔާވަހިކަމުގެ މައްސަލައެވެ. ވީއިރު މިފަދަ މައްސަލައިގައި ވަކި އަތަކަށް ނުޖެހި، ވަކި ޕާޓީއެއް ނުނަތަ ވެރިކަން ކުރަނީ ކޮން ޕާޓިއަކުންތޯ ނުވަތަ އެ ޕާޓި އަށް ތާއީދު ކުރޭތޯ ނުބަލައި، ބޯހިޔާވަހި ކަމަކީ ރައްޔިތުންނަށް ދޭން ޖެހޭ ހައްގެއް ކަމުގައި އެމަނިކުފާނު ވިދާޅުވި އެވެ.

މިފަދަ މައްސަލަތަކަކީ ހަމައެކަނި ޕާޓީގެ ފިކުރައް ބަލަން ޖެހޭ ކަމެއް ނޫން ކަމަށާއި އެފަތަ މައްސަލަ ތަކަކީ އެންމެ ހައްޤުވެރި ފަރާތައް އިންސާފުވެރި ކަމާއި އެކު ލިބެން ޖެހޭ ކަމެއް ކަމުގައި ރައީސް ޔާމީން ވިދާޅުވި އެވެ.