ދިވެހިރާއްްޖޭގެ ދޮރުގައި ޓަކި ޖަހަން ޖެހޭ ސަބަބެއް ނޭނގި އިންވެސްޓަރުން ރާއްޖެ ނާންނާނެ ކަމުގައި ރައީސް އަބްދުﷲ ޔާމީން އަބްދުލް ޤައްޔޫމް ވިދާޅުވެއްޖެއެވެ.

ޕީއެންއެފްގެ ފްރޮންޓް އޮފީހުގައި ކުރިއް ގެންދިޔަ ޖަލްސާގައި ވާހަކަފުޅު ދައްކަވަމުން އެމަނިކުފާނު ވިދާޅުވީ، އިންވެސްޓަރުން ރާއްޖެ އަންނަނަމަ އެބޭފުޅުން އަންނާނީ ވަރައް ގިނަ ކަންތައްތައް ބަލައި ވަރަށް ގިނަ ދިރާސާތަކެއް ކުރުމަށް ފަހުގައި ކަމަށެވެ.

އިންވެސްޓަރުން ރާއްޖެ އިންވެސްޓު ކުރާނެ ވަރަށް ވުރެ ރާއްޖޭގެ އިގްތިސާދު އޮތީ މާބޮޑަށް އަނަރޫފަ ވެފައި ކަމުގައި އެމަނިކުފާނު ވިދާޅުވިއެވެ.

ރާއްޖޭގައި މިވަގުތު އެންމެ އިސްކަމެއް ދީގެން ކުރަން ޖެހިފައި އޮތް އެއް ކަމަކީ ފިޗްގެ ރޭޓިން މަތި ކޮއްލުން ކަމަށާއި އެނޫން އެހެން ގޮތަކަށް ރާއްޖޭގެ އިގްތިސާދު ރަނގަޅު ނުވާނެ ކަމުގައި އެމަނިކުފާނު ވިދާޅުވިއެވެ.

ހަމައެކަނި ރާއްޖޭގެ ރީތިކަމަށް ބަލައިފަައި އިންވެސްޓަރުން ނާންނާނެ ކަމަށާއި، މެރިކަލްޗާ މަޝްރޫއުތައް ފަށާނަމަ ކައިރީގެ އެހެން ގައުމުތަކަށްވެސް އިންވެސްޓާރުންނަށް އިންވެސްޓު ކުރެވިދާނެ ކަމުގައި އެމަނިކުފާނު ވިދާޅުވިއެވެ.

ދިވެހިރާއްޖެއިން އިންވެސްޓާރުންނަށް ލިބެނީ އެހެން ޤައުމު ތަކުން ނުލިބޭ ކޮން ބެނިފިޓެއް ތޯ އާއި، އަދި ދިވެރާއްޖޭގެ ދޮރުގައި ޓަކި ޖަހަން ޖެހޭސަބަބު އެބޭފުޅުންނަށް ފެންނަން ޖެހޭނެކަމުގައި އެމަނިކުފާނު ވިދާޅުވިއެވެ.