އީރާނުގެ ވެރިރަށް ކަމަށްވާ ތެހެރާން ހުސްކުރުމަށް އެމެރިކާގެ ރައީސް ޑޮނަލްޑް ޓްރަމްޕް އަމުރުކޮށްފިއެވެ.

މީސްމީޑިއާގައި އިއްޔެ ކުރި ޕޯސްޓެއްގައި ޓްރަމްޕް ބުނެފައިވަނީ، އޭނާ ސޮއިކުރަން ބުނި އެއްބަސްވުމުގައި އިރާނުން ސޮއިކުރަން ޖެހޭނެ ކަމަށެވެ. ނަމަވެސް އީރާނުން ނިންމީ ވަގުތު ބޭކާރުކުރަން ކަމަށާއި އެއި ލަދުވެތި ކަމެއް ކަމުގައި ޓްރަމްޕް ބުނެފައި ވެއެވެ.

މީގެ އިތުރުަން ޓްރަމްޕް ބުނެފައިވަނީ އީރާނަށް ނިއުކްލިޔާ ހަތިޔާރެއް ނުގެންގުޅެވޭނެ ކަމަށާއި އަދި ތަކުރާރުކޮށް އެތައް ފަހަރަކު މިފަދައިން ބުނެފައިވާނެ ކަމަށް ޓްރަމްޕުގެ މެސެޖުގައި ބުނެފައި ވެއެވެ. މީގެއިތުރުން ތެހެރާނުގައި ތިބި އެންމެން އެތަން ހުސް ކުރުމަށް ޓްރަމްޕް އަމުރުކޮށްފައި ވެއެވެ.

ނިއުކްލިޔާ މައްސަލައާއި ގުޅިގެން އުފެދުނު ނުތަނަވަސްކަން ބޮޑުވެ، ހަމަލާ ބަދަލު ކުރަން ފަށާފައިވަނީ ސަަހްޔޫނީއިން އިސްވެ، އީރާނަށް މިދިޔަ ހުކުރު ދުވަހު ދިން ހަމަލާތަކާއި ގުޅިގެންނެވެ.