ރައީސް ޑރ.މުހައްމަދު މުއިއްޒު ފޮލޯ ކުރައްވަމުން ގެންދަވާ، ރައީސް އަބްދުﷲ ޔާމީންގެ މެނިފެސްޓޯ ގައި ހުރި ބަންކަރިން ފަދަ ޕްރޮޖެކްޓު ފެއްޓެވި ނަމަވެސް އެ މެނިފެސްޓޯ ލިޔުނު ފަރާތަށް ހުތުރު ނުވާނެހެން ފައްޓަވަން ރައީސް ޔާމީން ގޮވާލައްވައިފިއެެވެ.
ޕީއެންއެފްގެ ފްރޮންޓް އޮފީހުގައި ބޭއްވި ޖަލްސާގައި ވާހަކަ ފުޅުދައްކަވަމުން އެމަނިކުފާނު ވިދާޅުވީ، ކަޅު ހަމަކާއި ބާޖަކާއި އެކީ ވަޑައިގެން ބަންކަރިންގެ ޕޮރެޖެކްޓެއް ނުފެއްޓެވޭނެ ކަމަށެވެ.
ބަންކަރިންގެ ޕްރޮޖެކްޓް ފެއްޓެވުމުގު ކުރިން ރައީސް މުއިއްޒު ވިދާޅުވެފައި ވަނީ އަހަރެއްގެ މައްޗައް މި ޕްރޮޖެކްޓުން މިނިމަމް 400 މިލިޔަން ލިބޭނެ ކަމަށެެވެ. ނަމަވެސް ކަޅުހަމަކާއި ބާޖެއްގައި ނުކުމެގެން 400 މިލިޔަން ލިބިދާނެ ކަމާއި މެދު އެމަނިކުފާނު ސުވާލު އުފައްދާފައި ވެއެވެ.
ބަންކަރިންނާއި ތި އެއްޗިއްސަކީ ހަމަ ރައީސް ޔާމީންގެ މެނިފެސްޓޯ ގައި ހުރި ވާހަކަ ވާހަކަ، ދެން އަޅުގަނޑު ނުބުނަން އޭގަ ހުރި ކަންކަން ތަންފީޒު ކުރަން މަސައްކަތް ނުކުރާށޭ، އެކަމަކު ފަށައިގެން ނުވާނެ ދެއްތޯ އެމެނިފެސްޓޯ ލިޔުނު މީހަކަށް ހުތުރުވާ ގޮތަށް! އެ ހުތުރުވާ ގޮތަށް ފަށައިގެން ނުވާނެ! ކަޅު ހަމަކާއި ބާޖަކާއި ހިފައިގެން މި ފެށީ، މިހެންވީމަ ދެއްތޯ ބަންކަރިން ނުހިނގީ
ރައީސް ޔާމީން
މެނިފެސްޓޯގެ ހަގީގީ އޯތަރަކީ ކޮންމެ މީހެއް ކަމުގައި ވީނަމަވެސް އޭގައި ހުރި މަސައްކަތް ނަގައިގެން ކުރައްވަން ރަނގަޅު ކަމަށާއި އެކަމަކު އެކަންތައްތައް ކުރަން ވާނީ އެކަންތައް ކުރެވޭނެ ދެމެހެއްޓެނިވި ގޮތަކަށް ކަމުގައި އެމަނިކުފާނު ވިދާޅުވިއެވެ.
ރައީސް ޔާމީން ވިދާޅުވަނީ ބައިތޫމާލުގައި ފައިސާ ނެތްއިރު ބޮޑެތި މިފަދަ މަޝްރޫއުތައް ހިންގޭނެކަމުގެ ހުވަފެން ރައްޔިތުންނަށް ނުދެއްކުމަށެވެ.
