ނިމިދިޔަ 17 މަސްދުސް ތެރޭގައި ރައީސް ޑރ.މުހަންމަދު މުއިއްޒު ވެސް ވެރިކަމުގެޒިންމާ ވަރަށް ރަނގަޅަށް އަދާ ކޮށްފި ކަމުގައި ޕީއެންއެފްގެ ސެކެރެޓަރީ ޖެނެރަލް މުހަންމަދު މަލީހް ޖަމާލް ވިދާޅުވެއްޖެ އެވެ.

ޕީއެންއެފްގެ ފްރޮންޓް އޮފީހުގައި ބޭއްވި ޖަލްސާގައި ވާހަކަފުޅު ދައްކަވަމުން އެބޭފުޅާ ވިދާލުވީ، ރައީސުލް ޖުމުހުރިއްޔާ އަކު ޒިންމާ އަދާކުރެއްވީމައި ރައްޔިތުންގެ އާމްދަނީ އަށް އެކަށީގެންވާ ބަދަލު ތަކެއް އަންނާނެކަމަށާއި، ރައީސަކު ޒިންމާ އަދާކުރެއްވީމައި ބޮޑެތި ޓާމިނަލް ތައް ފެންނާނެ ކަމަށެވެ. މީގެ އިތުރުން ޤައުމަށް އަންނަމުންދާ އެކި އެކި ތަރައްޤީތައް ރައީސަކު ޒިންމާ ނަންގަވައިފި ނަމަ ފެންނާނެކަމަށެވެ.

މަލީހް ވިދާޅުވަނީ އެބޭފުޅާގެ ނަޒަރުގައި ރައިީސް ކަމުގައި ހުންނަވާއިގެން ރައީސް ޑރ މުއިއްޒު ވެސް ޒިންމާއަދާކޮށްފި ކަމުގަ އެވެ.

އެމަނިކުފާނު ޒިންމާ އަދާކުރުމުގެ ގޮތުން މުލިޔާގޭގައި ކަރޯކޭ ރޫމްއެއް ހައްދަވާ ކަރޯކޭ ކުޅުއްވާ ކަމަށާއި، މާލެއާއި އާރަަށާއި ޑެތެރޭގައި 450 އަށްވުރެ ގިނަ ދަތުރު ރައްޔިތުންގެ ފައިސާއިން ތެޔޮއަޅައިގެން މިވީ 17 މަސްދުވަސްތެރޭ ކޮށްފައި ޥާކަމަށާއި ދިވެހި ރައްޔިތުންނަށް ޑޮލަރުގެ ދަތިކަން ކުރިމަތި ވެފައި ވާއިރު ރައީސް ގެ އަނބިކަބަލުން ސާޖިދާ ޑޮލަރު ކޮޅު ހިއްޕަވައިގެން ދުބާއިއަށް ގޮސް ފައިވަނީވެސް ހަމަ އެޒިންމާގެ ދަށުން ކަމުގައި އެބޭފުޅާ ވިދާޅުވި އެެވެ.

ރަސްމާލެ ޓަނަލް އާއި، ރަސްމާލެ އިކޯސިޓީއެއް ގޮތުގައި ނިމިފައި ވާކަމުގެ ހެކި ދާދިފަހުން ކުޅުދުފުށީ ރައްޔިތުން ދައްކާފައި ވާކަމަށް ވެސް އެބޭފުޅާވަނީ ވިދާޅުވެފައެވެ.

ޕީއެންސީގެ މެންބަރުންނަށް ރައީސް މުއިއްޒުގެ ޒިންމާ ނުފެނުނުނަމަވެސް އެރޫހާނީ ޒިންމާ އަޅުގަނޑުމެންނަށް ފެންނަކަމުގައި މަލީހު ވިދާޅުވި އެވެ.