ސަޕްލައި ދޯންޏެއް ދިޔަވާތީ އެމްއެންޑީއެފުން އެހީތެރިކަން ފޯރުކޮށްދޭން ފަށައިފިއެވެ.
އެމްއެންޑީއެފުން ބުނީ، ދިޔަވާން ފަށާފައިވަނީ ތިލަފުށިން މާލެއަށް ދަތުރު ކުރަމުން ދިޔަ ސަޕްލައި ދޯންޏެއް ކަމަށާއި މި ހާދިސާގެ ރިޕޯޓް ލިބިފައިވަނީ މިރޭ 19:49 އެހާކަންހާއިރު ކަމަށެވެ.
މި ރިޕޯޓް ލިބުމާއި އެކީ އެމްއެންޑިއެފް މާލޭ އޭރިއާ ކޮމާންޑް، ކޯސްޓްގާޑް ސެކަނޑް ސްކޮޑްރަންއިން އެހީތެރިކަން ފޯރުކޮށްދެމުން އަންނަ ކަމަށް އެމްއެންޑީއެފުން ވަނީ ބުނެފައެވެ.
މިހާދިސާއާއި ގުޅޭ އިތުރު މައުލޫމާތެއް އަދި އެމްއެންޑީއެފުން އާންމު ކޮށްފައެއް ނުވެއެވެ.
