ހަލާލު ޓުއަރިޒަމްގެ ވާހަކަ ރައިސް ޑރ.މުހައްމަދު މުއިއްޒު ދައްކަވާއިރު ދިމްޔާތަކީ ރައީސް މުއިއްޒުގެ ހަލާލް ޓުއަރިޒަމް ތޯ ރައީސް އަބްދުﷲ ޔާމީން އަބްދުލް ޤައްޔޫމް ސުވާލު އުފައްދާފައިވެއެވެ.

އާދީއްތަ ދުވަހުގެރޭ ޕީއެންއެފްގެ ފްރޮންޓް އޮފީހުގައި ކުރިޔަށް ގެންދިޔަ ޖަލްސާގައި ވާހަކަ ފުޅުދައްކަވަމުން އެމަނިކުފާނު ވިދާޅުވީ، ރައީސް މުއިއްޒު ހަލާލް ޓުއަރިޒަމް ރަށްތަކެއްގެ ވާހަކަ ދައްކަމުން ދާއިރު، އެމަނިކުފާނު އަމިއްލަ ފުޅަށް ހިންގަމުންދާ ދިމްޔާތު ގެސްޓްހައުސްއަކީ ރައީސް މުއިއްޒު އެވިދާޅުވާ ހަލާލު ޓުއަރިޒަމްގެ ގިންތިއަށް ފެތޭ ތަނެއްތޯ ސުވާލު އުފެދޭ ކަމަށެވެ.

އެމަނިކުފާނު ވިދާޅުވަނީ ރައީސް މުއިއްޒު މާނަ ކުރައްވާ ހަލާލު ޓުއަރިޒަމަމް އަކީ ކޮބައި ކަމެއް އެގިނުލައްވާ ކަމަށެވެ.

ރައީސް މުއިއްޒު ވިދާޅުވާ ހަލާލު ޓުއަރިޒަމް ތެރޭގައި ދިމްޔާތު ހިމަނައިފައި ވާކަމަށް ޤަބޫލުނުކުރެވޭތީ އެތަނަކީ ހަރާމްޓުއަރިޒަމްއެއް ކަމަުގައި ދެކިވަޑައި ގަންނަވާ ކަމުގައި ރައީސް ޔާމީން ވިދާޅުވިއެވެ.

ދިމްޔާތަކީ އެތަނެއްގައި މަސާޖު ޕާލާތަކާއި އެފަދަ ހުރިކާ ހިދުމަތެއް ލިބެމުންދާތަނަކަށް ވާއިރު ރައީސް މުއިއްޒު ގެ ޑެފިނިޝަން އިން އެތަން ވާނީ ހަރާމް ޓުއަރިޒަމް އެއް ކަމަށް ޤަބޫލުފުޅުކުރެވޭ ކަމަުގައި ރައީސް ޔާމީން ވިދާޅުވި އެވެ.