އިރާނާ އެމެރިކާއާއި ދެމެދު އެއްވެސް ވާހަކަތަކެއް ނުދެވޭ ކަމަށާއި އަދި އެކު އެއްވެސް މަޝްވަރާ ކުރުންތަކެއް ކުރިއަށް ނުދާ ކަމަށް އެމެރިކާގެ ރައީސް ޑޮނަލްޑް ޓްރަމްޕް ވިދާޅުވެއްޖެ އެވެ.
މީގެ އިތުރުން ޓްރަމްޕްވަނީ އީރާންގެ ނިއުކްލިއާ މަރުކަޒުތަކަށް އެމެރިކާ އިން ދިން ހަމަލާގައި އެ ތަންތަން މުޅިން ނައްތާލެވިފައިވާ ކަމަަށް މީގެ ކުރިން ވިދާޅުވެފައިވާ ވިދާޅުވުން،އަނެއްކާވެސް ތަކާރާރު ކުރައްވައިފަ ވެއެވެ.
ޓްރަމްޕް މިހެން ވިދާޅުވީ އީރާންގެ މަދަނީ ނިއުކްލިއާ ޕްރޮގްރާމަށް އެމެރިކާ އިން 30 ބިލިއަން އެމެރިކާ ޑޮލަރުގެ އެހީތެރިކަން ފޯރުކޮށްދިނުމަށް އެމެރިކާގެ ސަރުކާރުން މަޝްވަރާ ކުރަމުން އަންނަ ކަމަށް މީޑިއާ ތަކުގައި ރިޕޯޓު ކޮށްފައި ވަނިކޮށެވެ.
އީރާނާއި އެމެރިކާގެ ގުޅުން މިހާ ހީނަރުވެފައިވާ މިފަދަ ދަނޑިވަޅެއްގައި، ޓްރަމްޕްގެ މި ވާހަކަތަކުގެ ސަބަބުން ދެ ޤައުމުގެ ގުޅުން އިތުރަށް ގޯސްވެދާނެ ކަމަށް ވެސް ސިޔާސީ މާހިރުން ލަފާކުރައްވައެވެ.
ސަހްޔޫނީންއިން އީރާންގެ ނިއުކްލިއަރ މަރުކަޒުތަކަށް އަމާޒުކޮށް ދިން ހަމަލާގެ ސަބަބުން، ސަހްޔޫނީންއާއި އީރާނާ ދެމެދު ވަރުގަދަ ހަނގުރާމައެއް ފެށިފައި ވާއިރު އެމެރިކާއިން ވަނީ ހަނގުރާމައިގެ ތެރެއަށް ވަދެ އީރާނުގެ ނިއުކްލިއާ މަރުކަޒުތަކަށް ހަމަލާ ދީފަ އެވެ. އޭގެ ބަދަލެއްގެ ގޮތުން އީރާންއިން ވަނީ ޤަތަރުގައި ހުރި އެމެރިކާގެ ބޭސް އަކަަށް ހަމަލާ ދީފަ އެވެ.
