ބޭރު ފައިސާ މާރު ކުރުމާއި ބޭރު ފައިސާ އިން މުއާމަލާތް ކުރުމުގެ އުސޫލުތަކަށް ކުއްލިކުއްލިއަށް ބަދަލު ގެންނަ ކަމަށް ބުނެ، ރައްޔިތުންގެ މަޖިލީހަށް މިއަދު ހުށަހެޅި ކުއްލި މައްސަލަ ބޭރުކޮށްލައިފި އެވެ.
ޓީމޫ، ޝީއިން، އަލިބާބާ، އަލީ އެކްސްޕްރެސް، ލަޒާޑާ އަދި އީބޭ އިން ފީއެއް ނަގަން ނިންމި މައްސަލަ ބަލައިނުގަތުމަށް ޕީއެންސީގެ 29 މެންބަރަކު ވޯޓު ދިނެވެ. އެ މައްސަލަ ބަލައިގަންނަން ފެންނަ ކަމަށް ވޯޓު ދިނީ އެންމެ 11 މެންބަރުންނެވެ.
އިދިކޮޅު އެމްޑީޕީއަށް ނިސްބަތްވާ ރައްޔިތުންގެ މަޖިލީހުގެ ކެންދޫ ދާއިރާގެ މެންބަރު މައުރޫފް ޒާކިރު ހުށަހެޅުއްވި މައްސަލައިގައި ބުނެފައި ވަނީ ޓީމޫ، ޝީއިން، އަލިބާބާ، އަލީ އެކްސްޕްރެސް، ލަޒާޑާ އަދި އީބޭ އިން ކުރާ ވިޔަފާރިތަކުން 30 ޕަސެންޓުގެ ފީއެއް ނަގަން ފެށުމުން އާންމުންގެ ވަރަށް ބޮޑެތި ކަންބޮޑުވުން އެބަހުރި ކަމަށެވެ.
"މިކަންކަމަކީ، ރާއްޖެއިން ބޭރުގައި ދިރިއުޅޭ ދިވެހި ރައްޔިތުންނާއި އެކިއެކި ބޭނުންތަކުގައި ރާއްޖެއިން ބޭރަށް ދަތުރު ކުރާ ރައްޔިތުންނަށް ނުހަނު ބޮޑު ތަކުލީފެއް ކުރިމަތިވާނެ ކަންކަމެއް،" އެ މައްސަލައިގައި ބުނެފައިވެ އެވެ.
މި ބަދަލުތައް ގެނައީ މުޖުތަމައުގެ ވީހާ ވެސް ގިނަ ބަޔެއްގެ ފައިދާ އާއި ހަމަހަމަކަމަށް އިސްކަން ދިނުން ކަމަށް ވެސް ބޭންކުން ބުނެފައިވެ އެވެ. ނަމަވެސް ބޭންކްގެ ނިންމުމާއި ގުޅިގެން ގިނަ ބައެއްގެ ނުރުހުން ގައުމީ ބޭންކަށް ވަނީ އަމާޒުވެފަ އެވެ. އަދި ސަރުކާރުން ޑޮލަރު މާރުކުރާމާއި އިގްތިސޯދު ހަމައަކަށް އެޅުމ=ވުމުގައި ގެން ގުޅެނީ ދެ އުޅިއެއްނުވާ ސިޔާސަތެއްކަމަށްބުނެ ގިނަ ބައެއްގެ ނުރުހުން ސަރުކާރަށް ވަނީ އަމާޒުވެފަ އެވެ.
