ރައީސް ޑރ މުހައްމަދު މުއިއްޒު ޒުވާނުންނަށް ވީ ވައުދު ނުފުއްދާ ކަމަށާ ޒުވާނުން މިއަދު ހާލުގައި ޖެހިފައިވާ ކަމަށް ޕިއެންއެފްގެ އިސް ސަފުގައި މަސައްކަތްކުރައްވާ އަހުމަދު މުހައްމަދު ވަހީދު ވިދާޅުވެއްޖެއެވެ.

ވައްޑެ މިފަދައިން ވިދާޅުވެފައިވަނީ އާދިއްތަ ދުވަހުގެރޭ ޕީއެންއެފުން ބޭއްވި ޖަލްސާގައި ވާހަކަ ދައްކަވަމުންނެވެ.

ވައްޑެ ވިދާޅުވީ ރައީސް ޔާމީން ޒުވާނުންނަށާ ގައުމަށް ގެނެސްދެއްވި އިންގިލާބީ ބަދަލުތައް އެމްޑީޕީ ސަރުކާރާ އަދި މިސަރުކާރުގެ ވެސް އިހުމާލުން ނެތި ގޮސްފި ކަމަށެވެ. އެގޮތުން ޚާއްސަކޮށް ޒުވާނުން މިއަދު ވަރަށް ބިކަވެ އެ ޒުވާނުންނަށް މިއަދު އަސާސީ މުސާރައަށްވުރެވެސް ހައްގުތައް ހޯދަން އުފުލަން ޖެހިފައިވާ ބުރަ ބޮޑު ކަމަށް ވައްޑެ ހާމަކުރެއްވި އެވެ.

ވައްޑެ ވިދާޅުވީ، ރައީސް މުއިއްޒުއަކީ އެއްވެސް އިރަކު މަގްބޫލު ބޭފުޅެއް ނޫން ކަމަށާ ވެރިކަމަށް ވަޑައިގެންނެވުނީ ރައީސް ޔާމީން ޖަލްގައި ނުހައްގުން ހުންނަވާ ވެވަޑައިގެންެނެވި ހުރުބާނީގެ ތެރެއިން އެމަނިކުފާނުގެ ފޮޓޯ ވިއްކައިގެން ކަމަށެވެ. އަދި ވެރިކަމަށް ނަސީބު ތަންދިން ގޮތުން އާދެވި ލިބުނު މަގްބޫލުކަން ވެސް މިހާރު ނެތެމުން ދާ ކަމަށް ވައްޑެ ވިދާޅުވިއެވެ.