Raees Muizzu Ah Unbu Turn Negumakee Faseyhakameh : Maleeh

ރައީސް މުއިއްޒުއަށް އުނބު ޓާން ނެގުމަކީ ފަސޭހަކަމެއް ކަމުގައި ޕީއެންއެފްގެ ސެކެރެޓަރީޖެނެރަލް މުހައްމަދު މަލީހު ޖަމާލް ވިދާޅުވެއްޖެއެވެ.

މަލީހު މިހެން ވިދާޅުވެފައި ވަނީ ދައުލަތަށް ޑޮލަރުގެ އާމްދަނީ އިތުރުވެފައި ވާކަމަށް ބުނާއިރު ޑޮލަރުގެ އަގު 20 ރުފިޔާއަށް މަތިވެފައި ވާތީ މިކަމާ ގުޅޭ ގޮތުން ފާޑު ވިދާޅުވެ އެކްސްގައި ކުރައްވާފައިވާ ޕޯސްޓްއެއްގައެވެ.

އެ ޕޯސްޓްގައި މަލީހު ވިދާޅުވެފައިވަނީ ޑޮލަރުގެ އަގު މިހާ ބޮޑުތަނުން އުފުލިފައިވުމަކީ ސަރުކާރުގެ ވަރަށް ބޮޑު ފެއިލިޔަރއެއް ކަމަށެވެ. އެހެން ކަމުން އެންމެ ރަނގަޅުގޮތަކީ އެމްއެމްއޭގެ ގަވަރު ނަރާއި އިކޮނޮމނިކް މިނިސްޓަރު އަދި ފައިނެންސް މިނިސްޓަރ އިސްތިއުފާދިނުން ކަމަށެވެ.

Mivaru bodu policy failure eh veema rangalhu gothakee MMA Governor, Economic Minister adhi Finance Minister isthiufa dhehvun. Eyge ithurun mi policy uvaalaa kurin hurigothah siyaasathu badhalu kurun. Muizz ah unbu turn negumakee faseyha kameh. https://t.co/ePdq50BPFm
— Mohamed Maleeh Jamal (@maleehjamal) July 13, 2025

މީގެ އިތުރުން އެބޭފުޅާ ވިދާޅުވީ މިހާރު މިއޮތް ޕޮލިސީއުވާލާ ކުރިން އޮތްގޮތަށް ބަދަލުކުރަން ފެންނަ ކަމުގައެވެ. އަދި ރައީސް ޑރ މުހައްމަދު މުއިއްޒު އަށް އުނބު ޓާން ނެގުމަކީ ފަސޭހަކަމެއް ކަމުގައި ވެސް މަލީހު ވިދާޅުވެފައިވެއެވެ.

ޑޮލަރު ލިބުމުގެ ދަތިކަމާއި ގުޅިގެން އާންމުންނާއި ވިޔަފާރިވެރިން ގެ ކަމްބޮޑުވުން އިންތިހާއަށް ހުރިއިރު ސަރުކާރުން ބުނެފައިވަނީ ރަސްމީ ރޭޓަކަށް ޑޮލަރުގެ އަގު ތިރިކުރެވޭނީ މިހާރު ތަންފީޒުކުރަމުން އަންނަ ބޭރު ފައިސާގެ ސިޔާސަތުތައް ތަންފީޒު ކޮށްގެން ކަމަށެވެ.