އެއަރޕޯޓުގެ ވާހަކަ މުއިއްޒު ދައްކަވާއިރު، މުއިއްޒަކީ ކާކުކަން ރައްޔިތުންނަށް އެނގޭ ކަމުގައި ޕީއެންއެފްގެ ސެކެރެޓަރީ ޖެނެރަލް މުހައްމަދު މަލީހް ޖަމާލް ވިދާޅުވެއްޖެއެވެ.

ސޯޝަލް މީޑިޔާ ޕްލެޓްފޯމް، އެކްސްގައި ކުރެއްވި ޕޯސްޓްއެއްގައި އެބޭފުޅާ ވިދާޅުވަނީ ރައީސް ޑރ. މުހައްމަދު މުއިއްޒުގެ އެމަނިކުފާނުގެ މިނިސްޓަރ ކަމުގައި ބަހައްޓަވާފައިވާ މެކޭނިކަލް ޕާރކިންގ ސިސްޓަމް ހުރީ ބޭނުން ނުކޮށް ދަބަރަށްވާން ދޫކޮށްފައި ކަމަށެވެ.

އެބޭފުޅާގެ ޕޯސްޓުގައި ވިދާޅުވެފައި އޮތީ އަދިވެސް އެ މެކޭނިކަލް ޕާރކިންގ ސިސްޓަމް ދަބަރަށް ވާން ދޫކޮށްފައި އެހުންނެވީ ކާކުގެ ހުއްދަނުލިބިގެން އައްސަވާ ތޯ އެބޭފުޅާ ވަނީ ސުވާލު އުފައްދާފައި ވެއެވެ.

ޕޯސްޓްގައި އިތުރަށް މަލީހު ވިދާޅުވެފައިވަނީ އެއާޕޯޓުގެ ވާހަކަ ދެއްކުމުގެ ބަދަލުގައި އެމަނިކުފާނުގެ މިނިސްޓާރުކަމުގައި ފެއްޓެވި ޕްރޮޖެެކްޓާއި މެދު ގޮތެއް ނިންމުމަށެވެ.

މަލީހު މިފަދައިން ވިދާޅުވެފައިވާއިރު، ރައީސް މުއިއްޒު ވަނީ އެއާޕޯޓު ޓާމިނަލްގެ މަސައްކަތާ ގުޅުވާ އިތުރުފުޅު ހައްދަވާފައެވެ.

އެގޮތުން އެމަނިކުފާނު ވަނީ މި ވެރިކަން ފެށުނު އިރު ނިމިފައި އޮތީ ހަމައެކަނި ޓާމިނަލް އިމާރާތުގެ 53 އިންސައްތަ ކަމަށް ވިދާޅުވެފައެވެ. ނަމަވެސް މުހިންމު ހުރިހާ މަސައްކަތެއްގެ 71 އިން ސައްތަ ވެރިކަން ބަދަލުވި އިރު ވަނީ ނިމިފައިވާކަން ލިޔެކިޔުންތަކުން ހާމަވެފައިވެއެވެ.