ޔަހޫދީންނަށް އެހީވެ ވާގިވެރިވުމުގައި އެންމެ ކުރީގައި އޮތީ ނަރެންދްރަ މޯދީގެ ސަރުކާރު ކަމަށް ދީނީ އިލްމުވެރިޔާ ޝައިހް އާދަމް ނިޝާން ވިދާޅުވެއްޖެއެވެ.

މޯޑީއަށް ޢިއްޒަތާއި ޝަރަފުދީ ރާއްޖެ ގެނައި މައްސަލައިގާ އާދަމް ނިޝާން ބިން ޢަލީ އާދަމް، މައްކާގައި ހުންނަވައި ޗެނަލް 13 އަށް ދެއްވި ބަސްދީގަތުމުގައެވެ.

ޝައިހް ވިދާޅުވީ އިންޑިއާ ސަރުކާރުން ދަނީ އެތައް އެހީތެރިކަމެއް އަސްކަރީ ގޮތުން،ހަތިޔާރުގެ ގޮތުން އަދި ސިޔާސީ ގޮތުން ދެމުން ކަމަށެވެ.

ފަލަސްތީނުގައި އަޅުގަނޑުމެންގެ ލޮބުވެތި އަހުންނާއި އުހުތުންތައް އަނިޔާވެރިގޮތުގައި ޝާހީދުކޮށްލާ ގަތުލުކުރަމުން، ބަނޑުހައިހޫނުކަމުގައި މަރަމުން ދަނީ ޔަހޫދީންކަމަށް ބުނެ އެ ޔަހޫދީންނަށް އެހީވެ ވާގިވެރިވުމުގައި އެންމެ ކުރީ ސަފުގައި އޮތީ އިންޑިއާ ކަމަށް ޝައިހް ވަނީ ވިދާޅުވެފައެވެ.