ވެލާނާ އިންޓަނޭޝަނަލް އެއާޕޯޓްގެ އާ ޓާމިނަލް ހުޅުވުމުގެ މިނާސަބަތާި ގުޅިގެން ވައިގެ ސަރަހައްދު ހުޅުވަން ބުނި ވަގުތަށް ވުރެ ގަޑިއިރެއް ފާއިތުވެގެން ދިޔަ އިރުވެސް ހުޅުވާފައި ނުވާ ކަމަށް މައުލޫމާތު ލިބިއްޖެއެވެ.
މިކަމާއި ގުޅިގެން އެ ވަގުތު 06 ފްލައިޓެއް ރަންވޭއަށް ނުޖެއްސި ފްލައިޓް ޝެޑިއުލްއަށް ވަނީ ބުރޫ އަރާފައެވެ.
މިރޭ 22:00 ގައި ހުޅުވާނެ ކަމަށް އެމްއޭސީއެލް އިން ބުނެފައިވީ ނަމަވެސް، ފްލައިޓްތައް ނުޖެއްސި ޑިލޭތައް ވުމުން އާންމުންވަނީ ސަރުކާރަށް ނުރުހުން ފާޅުކޮށްފައެވެ.
މިގޮތުން، ސިންގަޕޯރ އެއާލައިންސް، އެމިރޭޓްސް އަދި އިންޑިގޯގެ ފްލައިޓްތައް ލޭންޑް ނުކުރެވި ރާއްޖޭގެ ވައިގެ ސަރަހައްދުގައި އެތައް އިރަކު މަޑުކުރަން ޖެހިފައިވެއެވެ.
އަދި މޯލްޑިވިއަން ފްލައިޓް 156 ވެސް ވަނީ އެހެން ދިމާލަކަށް ޑައިވަރޓް ކުރަން ޖެހިފައި ކަމަށް މައުލޫމާތު ލިބެއެވެ.
އާ ޓާމިނަލް ހުޅުވުމުގެ މުނާސަބަތާއި ގުޅިގެން ސަރުކާރުން ވަނީ 18 ސަރަހައްދެއްގައި 06 މިނެޓަށް ހަވާ އަރުވާ އެއާލައިން އިންޑަސްޓްރީއަށް ބޮޑެތި ތަކުލީފުތައް ޖައްސުވާފައެވެ.
