މިއަށްވުރެ "ގަވަނެންސް ޕުއާރ" ގަވަނެންސް ނިކަމެތިވެ ފަގީރުވި ވެރިކަމެއް ނާންނަ ކަމަށް ކުރީގެ ނައިބު ރައީސް ޑރ މުހައްމަދު ޖަމީލް އަހުމަދު ވިދާޅުވެއްޖެއެވެ.

ރާއްޖޭގެ 60 ވަނަ މިނިވަން ދުވަހުގެ މުނާސަބާގައި ޗެނަލް13 އިން ގެނެސްދިން ކަވަރޭޖުގައި ވާހަކަފުޅު ދައްކަވަމުން ޑރ ޖަމީލް ވިދާޅުވީ "މޮޑާން" ނުވަތަ ޒަމާނީ ޤާނޫނު އަސާސީ އައި ފަހުން މިއަށްވުރެ ނިކަމެތިކޮށް ވެރިކަމުގެ ނިޒާމު ނިކަމެތި ހާލަތަކަށް ވެއްޓުނު ވެރިކަމެެއް ނާންނަ ކަމަށެވެ.

ޑރ. ޖަމީލު ވަނީ ރައީސް މުއިއްޒުގެ ވެރިކަމަކީ ދިވެހިރާއްޖޭގެ އެއްވެސް ކަހަލަ ޤާނޫނެއް ނެތި ހިންގާ ފާލުން ނެއްޓިފައި އޮތް ވެރިކަމެއްގެ ގޮތުގައި ސިފަކުރައްވާފައެވެ.

ޑރ ޖަމީލް ވިދާޅުވީ ރަނގަޅު ނިޒާމެއްގެ ތެރެއިން ވެރިކަންކުރައްވާ ކަމުގައި ވާނަމަ ރިސޯސް މެނޭޖް ކުރާނީ ރައްޔިތުންނަށް ފައިދާ ހުރި ގޮތަކަށް ކަމަށެވެ. މިވެރިކަން އައިއްސުރެ ކުރިން ފަސޭހަކަމައެކު ލިބެމުން އައި އެތައް ޚިދުމަތަތަކެއް އުނަދަގޫވެގެން ގޮސްފައިވާ ކަން ޑރ ޖަމީލް ވަނީ ފާހަގަކުރައްވާފައެވެ.

ޑރ ޖަމިލް ވިދާޅުވީ މިއީ ގުޑް ގަވަނެންސް ނެތުމުގެ އެންމެ ފުރިހަމަ އަލާމާތް ކަމަށެވެ.