ރައީސް މުއިއްޒު ވެރިކަމުގައި ބަހައްޓަން ފެންނަތޯ ބަލަން ޔައްޔިތުންގެ ވޯޓަކަށް ދާން މަސައްކަތް ފަށައިފިއެވެ.

މައުލޫމާތު ލިބިފައިވާ ގޮތުގައި ކުރިއަށް އޮތް ރައްޔިތުންގެ މަޖިލީހުގެ އިންތިހާބުގެ ވޯޓާއި އެކު ރައީސް ޑރ. މުހައްމަދު މުއިއްޒު ވެރިކަމުގައި ބެހެއްޓުމަށް ފެންނަ ނުފެންނަ ވޯޓެއް ނެގޭނެ އިންތިޒާމު ގާނޫނީ ގޮތުން ހަމަޖެއްސުމުގެ މަސައްކަތް ރައްޔިތުންގެ މަޖިލީހުގެ މެމްބަރުންތަކެއް ވަނީ ފަށާފައެވެ.

އެގޮތުން މަޖްލިސްގެ މެމްބަރަކަކާ ހަވާލާދީ ކުރުސީ އޮންލައިންގައި ބުނެފައިވަނީ ކުރިއަށް އޮތް މަޖްލިސް އިންތިހާބުގެ ވޯޓު ކަރުދާސް ކޮޅާއި އެކު ރައީސްގެ އިތުބާރު އޮތްތޯ ބެލުމުގެ ވޯޓަކަށް އެހުމަކީ މިވަގުތު ކޮންމެހެންވެސް ގިނަ ރައްޔިތުން ބޭނުންވާ އެއްކަން ކަމަށެވެ.

އިތުރަށް އެ ނޫހުގައި އިތުރަށް ބުނެފައިވާ ގޮތުގައި ރައީސްގެ އިތުބާރާއި ގުޅޭ މައްސަލަ މަޖްލިސްގެ ތަޅުމުގައި އަޒުލު ކުރުމަށްވުރެ ރައްޔިތުންގެ ވޯޓަކުން ނިންމުން މާރަނގަޅުކަމަށް ގިނަ މެމްބަރުން ގަބޫލް ކުރާ ކަމަށެވެ.

މީގެ އިތުރުން މެމްބަރު ވިދާޅުވީ މަޖްލިސް އިންތިހާބުގެ ވޯޓާއި އެކު ރައީސްގެ އިތުބާރުނެތަކަމަށް ރައްޔިތުން ނިންމަިއފިނަމަ އެގޮތަށް މަޖްލިސްއަށް ހުށަހަޅައި އަޒަލު ކުރުމަކީ އެންމެ މަސްލަހަތު ރަނގަޅުގޮތެވެ. އަދި އެއީ ގާނޫނީ ގޮތުންވެސް އެންމެ ރަނގަޅު ގޮތެވެ.

މަޖްލިސް އިންތިހާބުގެ ވޯޓާއި އެކު ރައީސްގެ ފެންނަ ނުފެންނަ ވޯޓަކަށް އެހުމަކީ މިވަގުތު އެންމެ ހަރަދު ކުޑަ ގޮތްކަމަށްވެސް މެމްބަރު ވިދާޅުވިއެވެ.

ރައީސް މުއިއްޒު މަޖިލީހުގެ ތެރެއިން އަޒަލު ކުރުމުގެ އަޑު ގަދަވެފައިވަނިކޮށް, ރައްޔިތުންގެ ފެންނަ ނުފެންނަ ވޯޓަކަށް ދާން މަސައްކަތް ފަށާފައި މިވަނީ ރައޯސް މުއިއްޒުގެ ވެރިކަމަށް 3 މަސްވާން ދާއިރު މިވެރިކަމަކީ މިހާތަނަށް ރައްޔިތުންގެ އިތުބާރު އެންމެ އަވަހަށް ގެއްލުނު ވެރިކަން ކަމަށް ގިނަ ބަޔަކު ބުނެއެވެ.