ރައްޔިތުންގެ ވިންދާ ދެކޮޅަށް ސަރުކާރު ނުހިންގޭނެ ކަމަށާއި މި ސަރުކާރުން ވައްކަން ނޫން ކަމެއް ނުކުރާ ކަމަށް ޕީއެންއެފްގެ ސެކްރަޓަރީ ޖެނެރަލް މުހައްމަދު މަލީހް ޖަމާލް ވިދާޅުވެއްޖެއެވެ.

މަލީހް އެކްސްގައި ކުރެއްވި ޕޯސްޓެއްގައި ވިދާޅުވީ މުއިއްޒު ވެރިކަމަށް މިވީ ދުވަސްކޮޅު ތެރޭގައި ވައްކަމާއި ކޮރަޕްޝަން ނޫން ކަމެއް ނުކުރާކަމަށާއި އަމިއްލަ ޕާޓީގެ މެންބަރުންވެސް މުއިއްޒަށް ނުހިފެހެއްޓޭ ކަމަށެވެ.

މި ސަރުކާރުން މިހާތަނަށް ކޮށްފައިވާ ބޮޑެތި ވައްކަންތައް ފަޅާއަރާފައިވާއިރު މިއިން އެއްވެސް މައްސަލައެއް ސަރުކާރުން ބަލާފައި ނުވެއެވެ.

ރައްޔިތުންނަށް ފައިދާހުރި އެއްވެސް ޚިދުމަތެއް ނުފެއްޓެވި، ގައުމަށް ތަރައްގީގެ އެއްވެސް މަޝްރޫއެއް މުއިއްޒަށް ކަށަވަރު ކުރެވިފައިނުވެއެވެ.

މުއިއްޒަކީ 50 އަހަރު ނުފުރޭ އަދި ސިޔާސީ ގޮތުން ތަންދޮރު ނުދަންނަ ކުޑަ ކުއްޖެއް ކަމަށް މަލީހްގެ ޕޯސްޓްގައި ބުނެފައިވެއެވެ.