ވެލިދޫ ދާއިރާގެ މެމްބަރު މުހައްމަދު އައްބާސްއަށް ރައީސް އަބްދުﷲ ޔާމީން ފައިސާ ދިން ކަމަށް ޕީއެންސީގެ ޕީޖީ ލީޑަރު އިބްރާހިމު ފަލާހު ވިދާޅުވުމާ ގުޅިގެން ޕީއެންއެފްގެ ފައުންޑަރ މެމްބަރ މުހައްމަދު އަހުމަދު ވަހީދު ރައްދު ދެއްވައިފިއެވެ.
ވައްޑެ އެކްސްގައި ކުރެއްވި ޕޯސްޓެއްގައި ވިދާޅުވީ، ރައީސް ޔާމީނަކީ ސިޔާސީ މަގްސަދު ހާސިލްކުރުމަށް ރިޝްވަތު ބަހާނެ ބޭފުޅެއް ނޫންކަން އެމަނިކުފާނު އަރިހު އެއްކޮށް މަސައްކަތް ކުރި މީހުންނަށް އެނގޭނެ ކަމަށެވެ.
ވައްޑެ ވިދާޅުވެފައިވަނީ ފަލާހުމެން މޯޑީ އަތުން ހަރާން ފައިސާ ކައިގެން ދުނިޔެއަށް މޮޔަވެފައިވާ ކަމާ މެދު ސުވާލު އުފެދޭ ކަމަށެވެ.
ވައްޑެގެ ރައްދު ފަލާހުއަށް އަމާޒުކޮށްފައިވާއިރު، ފަލާހު ޑިފެންސަށް ކުޅެފައިވަނީ، ވެލިދޫ ދާއިރާގެ މެމްބަރު އައްބާސް، ޕީއެންސީގެ ޕީޖީ މެމްބަރުންތަކެއް ވަރަށް އަވަހަށް އެ ޕާޓީދޫކޮށް ނުކިންނާނެ ކަމަށް ވިދާޅުވުމާ ގުޅިގެން ނެވެ.
