ދިވެހިރާއްޖޭގައި ވެރިކަން ކޮށްފައިވާ ހުރިހާ ރައީސުންގެ ތެރެއިންވެސް ރައީސް އަބްދުﷲ ޔާމީން ރަން އަކުރުން ފަވާލެވޭކަމަށް ރައީސް ޔާމީންގެ ތާއީދާއެކު މާފަންނުދެކުނު ދާއިރާއަށް ވާދަކުރައްވާ މައިޒަރު އާދަމް ޒާހިރު ވިދާޅުވެއްޖެއެވެ.


މައިޒަރު މިފަދައިން ވިދާޅުވެފައިވަނީ ޗެނަލް 13 އިން ގެނަސްދޭ މާނަލަ މާލެ ސިޓީއަކަށް މި ޕުރޮގްރާމުގައި ވާހަކަ ދައްކަވަމުންނެވެ.

މައިޒަރު ވިދާޅުވީ ރާއްޖޭގައި ވެރިކަން ކޮށްފައިވާ ހުރިހާ ރައީސުންގެ ތެރެއިންވެސް ރައީސް ޔާމީން އަކީ ރަންއަކުރުން ފާހަކޮށްލެވޭ ރައީސެއްކަމަށެވެ.

އެފަދަ ތަރައްގީއެއް ގެނަސްދެއްވާފައިވާ ރައީސަކު ނެތް ކަމަށާއި އެމަނިކުފާނަކީ ހަގީގަތުގައިވެސް ތަރައްގީގެ ބާނީ ކަމަށް މައިޒަރު ވަނީ ވިދާޅުވެފައެވެ.

މީގެ އިތުރުން މައިޒަރު ވިދާޅުވީ އެބޭފުޅުން އަބަދުވެސް ތިބޭނީ ރައީސް ޔާމީނާ އެކު ކަމަށާއި އެއީ ޝައްކެއްވެސް އޮތް ކަމެއް ނޫން ކަމަށެވެ.