ލަންޑަނުގައި ފިލްމީ ތަރިއަކަށް ޖިންސީ ގޯނާކުރި ދިވެެއްސެެއް ޖަލަށް ލައިފަައިވާކަމަށް ބުނެ ޚަބަރުތައް ޝާއިއުކޮށްފައިވާއިރު، އެ މީހާ އަކީ ދިވެއްސެެއް ނޫންކަމަށާއި އެއީ އިންޑިޔާގެ ރައްޔިތެއްކަމަށާއި އޭނާއަށް ޕާސްޕޯޓު ދީފައިވަނީ ކުރީގެ ރައީސް އިބްރާހިމް މުހައްމަދު ޞާލިހުގެ ވެރިކަމުގައިކަން ހާމަވެއްޖެއެވެ.

އިނގިރޭސިވިލާތުގައި މަޝްހޫރު ބަތަލާއެއް އަދި ލަވަކިޔުންތެރިޔަކަށް ޖިންސީ ގޯނާކުރި މައްސަލައިގައި ހަތަރު އަހަރަށް ޖަލަށްލުމަށް ލަންޑަނުގެ ސައުތުވާކް ކްރައުން ކޯޓުން ޙުކުމްކުރި މީހާގެ ނަމަކީ ސުންދަރަލިންގަމް ކޫޑަލިންގަމް އެވެ. އިނގިރޭސި ފުލުހުންނާއި ޙަވާލާދީ ޚަބަރުތައް ބުނާ ގޮތުގައި އެއީ 36 އަހަރުގެ ދިވެއްސެކެވެ. އިނގިރޭސިވިލާތުގެ މީޑިއާތަކުން އޭނާއަކީ ދިވެހި މަސާޖް ތެރަޕިސްޓެއް ކަމަށް ވެސް ބުނެފައި ވެއެވެ.

މީޑިއާތަކުން ރިޕޯޓުކޮށްފައިވާގޮތުގައި މި މީހާ ރާއްޖެއިން ޔޫކޭ އަށް ދިޔައީ 2021 ވަނަ އަހަރު އެވެ.

ނަމަވެސް އިމިގްރޭޝަނުން ވަނީ މީނާ އަކީ ދިވެއްސެއް ނޫންކަމަށް ކަށަވަރު ކޮށްދެެއްވާފައެވެ.

ތޭރައޮންލައިން އަށް މައުލޫމާތު ލިބުނުގޮތުގައި އޭނާ އަކީ ރާއްޖޭގައި މަސާޖް ޕާލަރުތަކުގައި ހަށި ވިއްކަން އުޅުނު އިންޑިޔާގެ ރައްޔިތެކެވެ.

އޭނާއަށް ދިވެހި ޕާސްޕޯޓު ދީފައިވަނީ ކުރީގެ ރައީސް އިބޫގެ ވެރިކަމުގައެވެ. މިފަދައިން އިންޑިޔާގެ ގިނަ ބަޔަކަށް އިބޫ ސަރުކާރުގަައި ޕާސްޕޯޓާއި ވިސާ ދީފައިވެއެވެ.