ސަރުކާރުގެ ފަރާތުން މަޖިލީހަށް ހުށަހަޅާ ބިލްތަކަށް ވޯޓު ދޭން މެމްބަރުންނަށް ބިރު ދައްކާކަން ހާމަކުރުމުން ޕީއެންސީ ޕީޖީ ގުރޫޕްގެ ލީޑަރު އަދި އިނގުރައިދޫ ދާއިރާގެ މެމްބަރު އިބްރާހިމް ފަލާހުގެ ދިފާއުގައި ޕޯސްޓުކުރުމަށް މެމްބަރުންނަށް މަޖުބޫރު ކުރަން ފަށައިފިއެވެ.
ދާދިފަހުން ޕީއެންސީގެ ބައެއް މެމްބަރުންގެ އިތުރުން ވެލިދޫ ދާއިރާގެ މެމްބަރު އައްބާސް ވެސް ވަނީ ފަލާހު ސަރުކާރާ އެއްކޮޅަށް ބިލްތަކަށް ވޯޓު ދޭން މެމްބަރުންނަށް ރިޝްވަތު ދީ މަޖުބޫރުކުރާކަމަށް ވިދާޅުވެފައެވެ.
މިފަދަ ވާހަކަތައް މީސްމީޑިޔާގައި ދައުރުވާން ފެށުމާއެކު ފަލާހު ވަނީ އޭނާގެ ދިފާއުގަައި ޕޯސްޓުތައް ޖެހުމަށް މެމްބަރުންނަށް އަންގާފައެވެ. މިއާއެކު ގިނަ މެމްބަރުންތަކެއް ވަނީ ފަލާހުގެ ދިފާއުގައި ނިކުމެފައެވެ.
މިވަގުތު މަޖިލީހަށް ހުށަހަޅާފައިވާ މީޑިޔާ ކޮންޓްރޯލް ބިލާ ދެކޮޅަށް ޕީއެންސީ މެމްބަރުން ވޯޓު ދޭން ބޭނުންވާކަމަށް ހާމަކުރުމުން ފަލާހު ވަނީ އެ މެމްބަރުން ސަރުކާރާ ދެކޮޅު ނުވާން ބުނެފައެވެ.
ސަރުކާރާ ދެކޮޅުވެއްޖާ މާދެރަވާނެކަމަށާއި އޭރުން ޕާޓީން ވަކިކުރަން ވެސް ޖެހިދާނެކަމަށް ފަލާހު ވަނީ ބުނެފައެވެ. މި ބިލަކީ ސީދާ މުއިއްޒު ހަންނާން ލައްވާ ހުށަހެޅުއްވި ބިލެއްކަމަށް ވެސް ފަލާހު ބުނެފައިވެއެވެ.
