ކުރިއަށް އޮތް ރަމަޟާން މަހުގެ ފަހު 10 ގައި އައިޑީ ކާޑު ދޫކުރާނީ ތިން ދުވަހު ކަމަށް ޑިޕާޓްމަންޓް އޮފް ނޭޝަނަލް ރަޖިސްޓްރޭޝަން (ޑީއެންއާރު) އިން ހާމަކޮށްފިއެވެ.

ޑީއެންއާރުން ކުރި އިއުލާނެއްގައި ހާމަކޮށްފައިވާ ގޮތުގައި ރޯދަ މަހުގެ ފަހު 10 ގައި އައިޑީ ކާޑް ދޫކުރާނީ އޭޕްރީލް މަހުގެ 1، 3 އަދި 8 ވަނަ ދުވަހު އެކަންޏެވެ.

ކާޑު ދޫކުރުން ކުރިއަށް ގެންދަން ނިންމާފައި ވަނީ ހެނދުނު 9:15 އިން 11:30 އަށް ކަމަށްވެސް މައުލޫމާތު ދިފައިވެއެވެ.

މީގެ އިތުރުން ކިއުބީން ކޮންމެ ދުވަހަކު ދޫކުރުމަށް ހަމަޖެހިފައި ވަނީ 150 ނަންބަރު ކަމަށް އެ އިދާރާއިން ވަނީ ހަމަކޮށްފައެވެ.

ރޯދަމަހުގެ ފަހު 10 ގައި ތިން ދުވަހު ކާޑުދޫކުރި ނަމަވެސް އިމަޖެންސީ ހާލަތްތަކުގައި އެ ޑިޕާޓްމަންޓުގެ ނަމްބަރު 7280368 އަށް ގުޅުމުން ހިދުމަތް ލިބޭނެ ކަމަށްވެސް އެ އިއުލާންގައިވެއެވެ.