މަލީހު މިފަދައިން ވިދާޅުވެފައިވަނީ މިރޭ ޕީއެންއެފްގެ ޖަލްސާ އޮންނަކަން ހާމަކުރައްވާ އެކްސްގައި ކުރެއްވި ޕޯސްޓަކާ އެކު، ގައުމުގެ ކަންކަމަށް ނަޒަރު ހިންގަވާލައްވާއެވެ.
ރައީސް ޔާމީން ވަނީ ރައީސް މުއިއްޒު ސިޓީ ކައުންސިލްގައި ހުންނެވިއިރުގެ ކޮރަޕްޝަން މައްސަލަތައް ހުރިކަމަށް ރައްޔިތުން ކުރާ ތުހުމަތުތަކާ އަދި ރައީސް ހޮވިވަޑައިގެންނެވި ފަހުންވެސް ކޮރަޕްޝަންގެ ބޮޑެތި ތުހުމަތުތައް އަމާޒުވެފައި ބަހުރި ކަން ފާހަގަކުރައްވާފައެވެ.
އެންސްޕާ ހިންގުމަށް އޮފީސް އިމާރާތެއް ހޯދަން 34.8 މިލިއަން ރުފިޔާގެ މުއާމަލާތެއް ގޭގެ ވެރިފަރާތް ނޫން އެހެން ފަރާތަކާއި ކުރިކަމަށް ބުނެ ވައްކަމުގެ ބޮޑެތި ތުހުމަތުތަކެއް ވަނީ އެންސްޕާގެ އިސްފަރާތް ކަމުގައިވާ ހީނާ ވަލީދު އަށް ކުރެވިފައި އެވެ.
ރައީސް ޔާމީން މިފަދައިން ވިދާޅުވީ ޕީއެންއެފުން ބުރާސްފަތި ދުވަހުގެރޭ ބޭއްވި ޖަލްސާގައި ވާހަކަފުޅު ދައްކަވަމުންނެވެ.
ކޮރަޕްޝަނަކީ ހަމައެކަނި އަމިއްލަ ޒާތީ މަންފާއަކަށް ދައުލަތުގެ މުދަލާއި ވަސީލަތްތަކާއި މަގާމުގެ ބާރު ބޭނުންކުރުން ނޫނެވެ. ކޮރަޕްޝަނުގެ ތެރޭގައި އަމިއްލަ ސިޔާސީ ޕާޓީއަށް، ގިންތިއަށާއި، އެކުވެރިންނާއި އާއިލާއަށް ނާޖައިޒު މަންފާ ހޯދައިދިނުން ހިމެނެއެވެ.
މި ސަރުކާރުގައި ކޮރަޕްޝަންއާ މަނީ ލޯންޑަރުން އެއްވެސް މައްސައެއްގެ ތަހުގީގުވެސް ކުރިއަށް ނުދާނެ ކަމަށާ އޭގެ ސަބަބަކީ އެއިން ކޮންމެ ޖަރީމާއަކުން ރައީސް މުއިއްޒަށް ބައި އެޅިފައިވާ ވުން ކަމުގައި ރައީސް ޔާމީން ތަކުރާރުކޮށް ވިދާޅުވިއެވެ.
ރައީސް ޔާމީން ވިދާޅުވީ، މި ސަރުކާރަކީ ވަރަށް ގިނަ އުއްމީދުތަކަކާ އެކު ރައްޔިތުން ގެނައި ސަރުކާރެއް ކަމަށާ އެހެންކަމުން އެ ކަންކަން ނުވެ ލަސްވަމުން ދަދިއުމާ ގުޅޭގޮތުން ރައްޔިތުން އެނގެން ބޭނުން މައުލޫމާޓު ސަރުކާރުން ހާމަކުރަން ޖެހޭ ކަމަށެވެ.
ކުރީގެ ސަރުކާރުގައި ރައްޔިތުންނަށް ދޭން ނިންމައި، މިދިޔަ ނޮވެމްބަރު މަހު ތެރޭގައި އެޕްލިކޭޝަންސްތަކަށް ހުޅުވާލި ވިނަރެސް ފްލެޓްތަކުގެ ފޯމުތައް ބާޠިލް ކުރުމަށްފަހު، މިހާރު ވެރިކަންކުރާ ޕާޓީ ޕީ.އެން.ސީ އިން ފާސްކޮށްފައިވާ ލިސްޓަކަށް ބާކީ ހުރި ވިނަރެސް ފްލެޓްތައް ބަހާ ނިންމާފައިވާ ކަމުގެ ވާހަކަތައް ފެތުރިއްޖެއެވެ.
ރައީސް ޔާމީން ވަނީ ރައީސް މުއިއްޒު ވެރިކަމަށް ވަޑައިގަތުމަށް އެންމެ ބޮޑު ވައުދެއްވެފައިވާ، ދައުލަތުން ގެއްލުނު ފައިސާ ހޯދައިދިނުމުގެ ވައުދުގައި އަތްލަން ރައީސް މުއިއްޒަށް ކެރިވަޑައިނުގަންނަވާނެކަމަށް ވިދާޅުވެފައެވެ.
ޕީއެންއެފުން ހޯމަ ދުވަހުގެރޭ ބޭއްވި ޖަލްސާގައި، ގައުމުގައި ރައްޔިތުންގެ ބާރު ކެނޑި ގައުމުގައި ފީސަބީލިއްލާހި އުސޫލު އޮތްކަން ފާހަގަކުރައްވާ ދެއްކެވި ވާހަކަފުޅުގައި ރައީސް ޔާމީން ވިދާޅުވީ، ގާނޫނުގެ ވެރިކަން ރާއްޖޭގައި ހިނގާކަމާ މެދު ސުވާލު އުފެދޭ ކަމަށެވެ.