ޒަކިއްޔާގެ އާއިލާގެ ފަރާތުން" ތޭރަ އޮންލައިން"އާ ވާހަކަ ދައްކަމުން ޒަކިއްޔާގެ ކޮއްކޮ ހާމަކުރި ގޮތުގައި ޒަކިއްޔާގެ މަރަކީ އާދަޔާ ޚިލާފު މަރެއް ކަމަށް ކޮމިޝަނަރ އޮފް ޕޮލިސް އަލީ ޝުޖާއު މީޑިޔާ ކުރިމަތީ ވިދާޅުވެފައިވާއިރު އަދި ޒަކިއްޔާގެ މަރުގައި ފުލުހުންގެ އިހުމާލު އޮތް ކަމަށް ހޯމް މިނިސްޓަރު އަލީ އިހުސާނު ވިދާޅުވެފަައިވާއިރު އޭގެ ފަހުން ރަށު ރައްޔިތުންނާ އެކު ބޭއްވި ބައްދަލުވުމުގައިވެސް އަދި އާއިލާއާ އެކު ބޭއްވި ބައްދަލުވުމުގައިވެސް ޒަކިއްޔާގެ އާއިލާއަށް ފުލުހުންގެ ވެރިން މަސައްކަތްކޮށްފައިވަނި އެއީ އަމިއްލަ މަރެއްގެ (ސުއިސަޑެއް)ގެ ގޮތުގައި ވިސްނައިދިނުމަށް ކަމަށެވެ.
ހޮޅުދޫގެ ރައްޔިތުން މިފަދައިން ހާމަކޮށްފަައިވަނީ ޒަކިއްޔާގެ މަރަށް އިންސަފު ހޯދައި ދިނުމަށް ގޮވާލާ އެ ރަށުގައި ބޭއްވި އެއްވުމުގެ ތެރެއިންނެވެ.
ވަޒީރު އިހުސާންގެ އިސްތިއުފާއަށް ހޮޅުދޫ ރައްޔިތުން ގޮވާލާފައިވަނީ ހުކުރު ދުވަހުގެ ހަވީރު އެ ރަށުގައި ބޭއްވި އިހުތިޖާޖެއްގެ ތެރެއިންނެވެ.
ޒަކިއްޔާގެ މަރާ ގުޅިގެން މާދަމާ ހަވީރު 4:15ގައި އެރަށު ބޯޅަދަނޑުގައި ވަނީ އެއްވުމެއް ބާއްވަން ނިންމާފައެވެ.
ބޮޑެތި ޒަޚަމްތަކަކާއެކު މަރުވެފައި އޮއްވައި ފެނުނު 50 އަހަރުގެ ޒަކިއްޔާ މޫސާގެ މަރުގެ ތަހުގީގުގައި ފުލުހުން, އެމެރިކާގެ ފެޑެރަލް ބިއުރޯ އޮފް އިންވެސްޓިގޭޝަން (އެފްބީއައި) ބައިވެރިކޮށްފި ކަމަށް ބުނާ ވާހަކަތަކުގައި އެ ރަށު ރައްޔިތުންގެ ބަސް ތަފާތެވެ. އެ ރަށު ރައްޔިތުން ހާމަކުރާ ގޮތުގައި އެއީ މަތި އަޅަން ވާހަކަ އޮއްބާލަން ދައްކާ "ބައިސާ" ވާހަކަތަކެވެ.
ޒަކިއްޔާ މަރުވެފައި އޮއްވައި ފެނުނީ މިދިޔަ އަހަރުގެ ސެޕްޓެމްބަރު މަހުގެ 10 ވަނަ ދުވަހުގެ ހެނދުނު 10:00 ހާއިރު އޭނާ ދިރިއުޅޭ ގޭގެ ބަދިގެ ފަރާތުގައި ހުންނަ ގުދަނެއް ކައިރިންނެވެ.
ހޮޅުދޫގައި އުމުރުން 50 އަހަރުގެ އަންހެނަކު ޒަކަމްތަކަކާ އެކު ގެއެއްގެ ތެރޭގައި އޮތްކަމުގެ ރިޕޯޓު ހެނދުނު 10:10 އެހާކަންއިރު ލިބުމުން ފުލުހުން ގޮސް އެ އަންހެން މީހާ އެ ރަށު ސިއްހީ މަރުކަޒަށް ގެންގޮސްފައިވާ ކަމަށާ އެމީހާ ނިޔާވެފައިވާ ކަމަށް ފުލުހުން މީޑިޔާތަކަށް ފޮނުވި މެސެޖެްގައި ހާމަކޮށްފައިވެއެވެ.