އަދިވެސް ރާއްޖޭގެ ބޮޑު ސަރަހައްދަކަށް މޫސުން ގޯސްކަމަށް ދިވެހިރާއްޖޭގެ މޫސުމާ ބެހޭ ގައުމީ އިދާރާ މެޓު އޮފީހުން ހުދު ސަމާލު ނެރެފިއެވެ.
މެޓުން ހާމަކޮށްފައިވާ ގޮތުގައި، ހއ އަތޮޅުން ފެށިގެން މ އަތޮޅަށް މިއަދުގެ 17:00 އިން ފެށިގެން 23:00 އަށް ވިއްސާރަކޮށް ގަދަ ވާނެ ކަމަށް ލަފާކުރެވޭ ކަމަށެވެ.
އެ ސަރަހައްދަށް 40 މޭލަށް ވައިގަދާވާނެ ކަމަށްވެސް މެޓުން ވަނީ ހާމަކޮށްފައިއެވެ.
ކުރިއަށް 24 ގަޑިއިރަށް ރާއްޖޭގެ މޫސުން ކުރިއަށް ލަފާކުރާ ގޮތަށް ބަލާއިރު، އެކިހިސާބަށް ވިއްސާރަ ކުރާނެ އަދި ބައެއް ރަށްތަކަށް ބޯކޮށް ވާރޭވެހި ގުގުރުން އެކަށީގެންވެއެވެ. ހުޅަނގުދެކުނާއި ހުޅަނގުން، ގަޑިއަކު 10 މޭލާއި 20 މޭލާ ދެމެދުގެ ބާރުމިނުގައި ވައިޖެހޭނެ ކަމަށް ލަފާކުރާއިރު ވިލާގަނޑުގައި ގަޑިއަކު ގާތްގަނޑަކަށް 35 މޭލަށް ވައި ބާރުވުން އެކަށީގެން ވެއެވެ.
ކަނޑުތައް އާދައިގެ ވަރަކަށް ގަދަވެފައި ވިލާގަނޑުގައި ގަދަ ވާނެ އިރު ރާޅުގެ އުސްމިން ހުންނާނީ 3 - 6 ފޫޓުގެ އުސްމިނުގައެވެ.
ކުރަމުންދާ ވިއްސާރައިގައި ހުރިހާ ފަރާތްތަކުން މޫސުމަށް ސަމާލުވުމަށް މެޓުން އިލްތިމާސްކޮށްފައިވެއެވެ.
