ގިނަ ވަގުތު ފާއިތުވެގެން ދިޔަ އިރު ވޯޓު ލީ މީހުންގެ އަދަދު މަދު

މާލޭ ސިޓީގެ މޭޔަރު އިންތިޚާބަށް ވޯޓު ލުމުގެ ފުރުސަތު ހޮނިހިރު ދުވަހުގެ ހެނދުނު ހުޅުވާލެވިގެންގޮސްފައިއެވެ.

ހޮނިހިތު ދުވަހުގެ މެންދުރާއި ހަމައަށް ވޯޓު ލާފައި ވަނީ ހަމައެކަނި 12 އިންސައްތަ މީހުން ކަމަށް އިލެކްޝަންސް ކޮމިޝަން- އީސީއިން ވަނީ ހާމަކޮށްފައި އެެވެ.

މިއީ ވޯޓުލުމުގެ ހައްގު ޖުމްލަ 56،002 މީހުންގެ ތެރެއިން ގާތްގަނޑަކަށް 6،000 ފަރުދުންނެވެ.

މާލެ ސިޓީގެ މޭޔަރު ކަމަށް ކުރިމަތިލައްވާފައި ވަނީ ޖުމްލަ ފަސް ކެންޑިޑޭޓުންނެވެ.

1. ޝުއައިބު އަލީ، ގ. ހިޔާ، މާލެ، އަމިއްލަގޮތުން
2. ޙުސައިން ވަހީދު، ގ. ހޭޅީ، މާލެ، އަމިއްލަގޮތުން
3. އާއިޝަތު އާޒިމާ ޝަކޫރު، މ. އާސްތާނާ، މާލެ، ޕީޕަލްސް ނޭޝަނަލް ކޮންގްރެސް
4. އާދަމް އާޒިމް، މ. ސީނުކަރަންކާގެ، މާލެ، ދިވެހިރައްޔިތުންގެ ޑިމޮކްރެޓިކް ޕާޓީ
5. މުޙައްމަދު ސައިފް ފާތިހް، ހ. ހާގޯށި، މާލެ، ދަ ޑިމޮކްރެޓްސް

މި އިންތިޚާބުގެ ވޯޓުލުން ފެށިފައިވަނީ ހޮނިހިރު ދުވަހުގެ 08:00 ގައިއެވެ. އަދި ވޯޓުލުން ކުރިއަށްދާނީ ހޮނިހިރު ދުވަހުގެ ހަވީރު 17:00 އާ ހަމައަށެވެ.