ޑެންގީ ހުން ޖެހިގެން ރިޕޯޓުކުރާ މިންވަރު އިތުރުވަމުންދާތީވެ، ސަމާލުވާން އެދިއްޖެއެވެ.

މިފަދައިން ސަމާލުވާން އެދިފައިވަނީ އައިޖީއެމްއެޗްގެ ކުޑަކުދިންގެ ހާއްސަ ޑޮކްޓަރު، ޑރ. އަހްމަދު ފައިސަލް އެވެ.

އެގޮތުން ފައިސަލް ވިދާޅުވީ ޑެންގީ ޖެހިގެން 6 ކުއްޖަކު އެޑިމިޓް ކޮށްފައިވާ އިރު ހާލު ސީރިއަސްވާ ބައެއް ކުދިންގެ ގަޔަށް ލޭ އަޅަން ޖެހޭ ހާލަތުވެސް އަންނަ ކަމަށެވެ.

އޭގެއިތުރުންވެސް ފައިސަލް ވިދާޅުވީ ޑެންގީ ހުމަކީ ފުރާނައަށް ނުރައްކާވާ ބައްޔެއް ކަން ހަނދާން ނައްތާނުލުމަށާއި މަދިރިން ރައްކާތެރިވުމަށެެވެ.