ދިރާސީ އާ އަހަރުގެ ކިޔެވުން ފެށެންވާއިރަށް، ރަށް ރަށުގެ ސްކޫލްތަކަށް ބޭނުންވާ ފޮތްތައް ގެންދިޔުމުގެ މަސައްކަތް ދިވެހިން ފުލުހުން ފަށައިފިއެވެ.
2024ގެ ދިރާސީ އާ އަހަރުގެ ކިޔެވުން އަންނަ މަހު 26 ގައި ފެށޭއިރު، ކިޔެވުން ނިމޭނީ އަންނަ އަހަރު މާޗުގައެވެ
އެޑިއުކޭޝަން މިނިސްޓްރީން ސްކޫލުތަކަށް ފޮނުވި ފައިނަލް ކަލަންޑަރުގައިވާ ގޮތުން އަންނަ ހަފްތާ ފަށާ ދިރާސީ އަހަރުގެ ފުރަތަމަ ޓާމް ނިމޭނީ ސެޕްޓެމްބަރު 26 ގައެވެ. ފުރަތަމަ ޓާމް ޗުއްޓީ ލިބޭނެ ކަމަށް މިހާރު އޮތީ ސެޕްޓެމްބަރު 29 އިން އޮކްޓޫބަރު 3 އަށެވެ.
ދެވަނަ ޓާމުގެ ކިޔެވުން ފަށަން ހަމަޖެހިފައިވަނީ އޮކްޓޫބަރު 6 ގައެވެ. އަދި ދެވަނަ ޓާމުގެ ކިޔެވުން ނިމޭނީ އަންނަ އަހަރުގެ މާޗް 6 ގައި އަދި މާޗް 9 އިން އޭޕްރީލް 3 އަށް އެއީ ބޮޑު ޗުއްޓީ ކަމަށް މިނިސްޓްރީން ވަނީ ނިންމާފައެވެ. ކަލަންޑަރުގައި އަންނަ އަހަރުގެ ރޯދަ މަސް ފެށޭ ދުވަހެއް ކަމަށް އޮތީ ފެބްރުއަރީ 28 އެވެ. އަންނަ އަހަރުގެ ވެސް ރޯދަ މަހުގެ ފަހު 10 ބަންދުވާ ގޮތަށް އޮތް އިރު ދަރިވަރުންނަށް ބޮޑު ޗުއްޓީ ދީފައި ވަނީ ވެސް އެ ދުވަސްތައް ބޮޑު ޗުއްޓީއަށް ވަންނަ ގޮތަށެވެ.
ރާއްޖޭގެ އެކި ހިސާބުތަކަށ މިހަރު ކުރަމުންދާ ވިއްސާރައިގައި ކަނޑު މަތީގައި އާއި އެކި ސަރަހައްދު ތަކުގައި ތަފާތު އެކި ހާދިސާތައް ކުރިމަތިވަމުން އަންނަ އިރު، ދިވެހި ފުލުހުން ރައްޔިތުންގެ ޚިދުމަތުގައި އަބަދުވެސް ތިބޭނެ ކަމަށް އެ އިދާރާއިން ބުނެއެވެ.
