ސާނަވީ އިމްތިހާނުގައި އިސްލާމް، ދިވެހި، ހިސާބު އަދި އިނގިރޭސި މަޖުބޫރު މާއްދާއަށް ހަދަން ނިންމައިފިއެވެ.

ތައުލީމާއި ބެހޭ ވުޒާރާއިން އާންމުކޮށްފައިވާ ސާކިއުލާގައި ވަނީ ރާއްޖޭގެ ހުރިހާ ސްކޫލްތަކުން ތައުލީމް ހާސިލްކުރާ ދަރިވަރުންނަކީ މި ހަތަރު މާއްދާ ކިޔަވާފައި ތިބި ކުދިންނަށް ވާންޖެހޭނެކަމަށެ.

ގްރޭޑް 10ގެ އޯލެވެލް އިމްތިހާނުކުގައި ބައިވެރިވާ ދިވެހި ކޮންމެ ދަރިވަރަކު އިސްލާމް، ދިވެހި، އިނގިރޭސި އަދި ހިސާބު މާއްދާގައި ބައިވެރިވުން މަޖުބޫރު ކަމަށްވެސް އެ ސާކިއުލާގައި ވަނީ ބުނެފައިވެއެވެ.

އިތުރަށް މި ސާކިއުލާގައި ބުނެފައި ވަނީ މިއީ 2020 ވަނަ އަހަރުގެ ތެރޭގައި ވެސް ސްކޫލްތަކަށް އެންގި އެންގުމާ ގުޅޭ ނިންމުމެއް ކަމަށެވެ.

ދިވެހި ދަރުވަރުން ސާނަވީ އިމްތިހާނުގައި މި ހަތަރު މާއްދާ ކިޔެވުމަކީ ތައުލީމީ ވުޒާރަގެ ސިޔާސަތެއްކަމަށްވެސް އެ ވުޒާރާއިން ވަނި ހާމަކޮށްފައިއެވެ.