ސަޕްލިމަންޓްރީ ބަޖެޓު ހުށަހަޅާތީ ފާޑުކީ މީހުންގެ ސަރުކާރުން ވެސް ސަޕްލިމަންޓްރީ ބަޖެޓު ހުށަހަޅަން ނިންމައިފިއެވެ.

ޕީއެންސީގެ ސަރުކާރުން މި އަހަރުގެ ބާކީ އޮތް ބައިގެ ޚަރަދުތައް ހަމަޖައްސަން ސަޕްލިމެންޓުރީ ބަޖެޓެއް ހުށަހަޅަން ނިންމާފައިވާ ކަން ހާމަކޮށްފައިވަނީ ދާދި ފަހުން ފިނޭންސް މިނިސްޓަރު ކަމާ ހަވާލުވެލެއްވި މޫސާ ޒަމިރު އިއްޔެ ރައީށް އޮފީހުގައި އޮތް ނޫސްވެރިންގެ ބައްދަލުވުމުގައެވެ.

ޒަމީރު ވިދާޅުވީ، ކޭޝްފްލޯ ބެލެހެއްޓުމުގައި ދަތިތަކެއް ދިމާވެފައިވާ ކަމަށާ ދައުލަތުގެ ޚަރަދުތައް ފޫބެއްދުމަށް އެހެނިހެން އަހަރުތަކެކޭ އެއްފަދަައިން މި އަހަރުވެސް ސަޕްލިމެންޓަރީ ބަޖެޓެއް ހުށަހަޅާނެކަމަށެވެ.

ނަމަވެސް ސަޕްލިމެންޓަރީ ބަޖެޓުގެ ސީދާ އަދަދު އަދި ކަނޑައަޅާފައެއް ނުވާކަމަށް ވިދާޅުވެ ޒަމީރު އިތުރަށް ވިދާޅުވީ، ސަޕްލިމެންޓްރީ ބަޖެޓުގެ އަދަދު ކަނޑައަޅާނީ ކެބިނެޓުގެ އިތުރު ލަފާ ހޯދައި އަދި ރައީސުލްޖުމްހޫރިއްޔާގެ ލަފައާ އެއްކޮށް، އޮޑިޓާ ޖެނެރަލްގެ ރިޕޯޓު ވެސް ލިބުމުން ކަމުގައެވެ.

މީގެ އިތުރުން ރަދު ކުޑަކުރުމުގެ ސިޔާސަތުތަކާއި އެކު ސަޕްލިމެންޓްރީ ބަޖެޓް ކުޑަ ކުރެވޭނެ ކަމަށް ޒަމީރު ވިދާޅުވެފައިވެއެވެ.

މި އަހަރު ރައްޔިތުންގެ މަޖިލީހުން ފާސްކޮށްފައިވާ 49.8 ބިލިއަން ރުފިޔާގެ ބަޖެޓު ހުސްވެފައިވާއިރު ސަރުކާރުން 5 ވަރަކަށް ބިލިއަން ރުފިޔާގެ ސަޕްލިމެންޓަރީ ބަޖެޓެއް ހުށަހަޅަން ޖެހޭނެ ކަމަށް އަންދާޒާކޮށްފައެވެ. މި ސަރުކާރުން 2023 ވަނަ އަހަރު 6.5 ބިލިއަން ރުފިޔާގެ ބަޖެޓެއް ހުށަހެޅިއެވެ.

ރައީސް މުހައްމަދު މުއިއްޒަކީ ޚަރަދުތައް ހަމަޖައްސަން ސަޕްލިމެންޓްރީ ބަޖެޓް ހުށަހަޅާތީ ފާޑުކިޔުން އަމާޒުކުރެއްވި ބޭފުޅެެކެވެ.