އެއް ޖިންސުން ގުޅުން ހިންގާ، މާތް ނަބިއްޔާ އަށް ފުރައްސާރަކޮށް އިސްލާމް ދީނަށް ތައުހީނު ކުރި ކަމުގެ ތުހުމަތު ކުރެވޭ ފޮޓޯތަކާއި ޗެޓްލޮގްތައް ލީކްވި ޕީޖީ އޮފީހުގެ ވަކީލް ޝަފީއު އަދިވެސް އެ މަގާމުގައި ބަހައްޓާފައި ހުރުމުން ގިން ބަޔެއްގެ ފާޑު ކިޔުން އަމާޒުވެއްޖެއެވެ.
ނިމިދިޔަ ސަރުކާރަކީ ‘ލާދީނީ’ ސަރުކާރެއްގެ ގޮތުގައި ލޭބަލް ކޮށް އިސްލާމީ ޝަރީއަތުގެ ހަމަތަށް ގާއިމުކުރުމަށް ވައުދު ވި ސަރުކާރުން މިފަދަ ފަރާތްތަކާއި ދެކޮޅަށް އެއްވެސް ފިޔަވަޅެއް ނޭޅުމުން މިއީ ދީނުގެ ނަމުގައި އޭރު ކުޅުނު ޑްރާމާއެއްކަމަށް އަންނަނީ ސިފަކުރަމުންނެވެ.
މި ވެރިކަމުގައި ފާޅުގައި ދީނަށް ފުރައްސާރަ ނުކުރެވޭނެ ކަމަށާއި އެފަދަ ފަރާތްތަކަށް ކަނޑައެޅިގެންވާ އުސޫލުގެ މަތިން ފިޔަވަޅު އަޅުއްވާނެކަމަށް ސަރުކާރުން ހާމަކުރިއިރު، ޝަފީއު އަދިވެސް ހުރީ ޕީޖީގެ ވަކީލުގެ މަގާމުގައެވެ.
ވަކީލު ޝަފީއު މިހާރުން މިހާރަށް މަގާމުން ދުރުކޮށް އެކަށީގެންވާ އަދަބު ދިނުމަށް އާންމުން އަންނަނީ ގޮވާލަމުންނެވެ.
މީގެ އިތުރުން، ފާޅުގައި އިސްލާމް ދީނަަށް ހަޖޫ ޖަހާ، ނަބިއްޔާއަށް ފުރައްސާރަ ކުރާ ފަރާތްތަކަށް އެފަދައިން ކަންތައް ކުރުމަށް ޖާގަ ދެވިގެން ނުވާނެއެވެ.
